فوتو: pixabay.com
قۇجاتقا سايكەس, كومپانيا 1,973 ملرد تەڭگە كولەمىندەگى قاراجاتتىڭ قايتارىلۋىنان كۇدەر ۇزگەن. وسى سەبەپتى بۇل سوما دەبيتورلىق بەرەشەك رەزەرۆىنەن ەسەپتەن شىعارىلعان. مۇنداي رەزەرۆ تولەنبەي قالۋى ىقتيمال شىعىنداردى جابۋ ءۇشىن قالىپتاستىرىلادى.
كومپانيا بۇل فاكت بويىنشا قىلمىستىق ءىس قوزعالعانىن جانە سوت-ەكونوميكالىق ساراپتاما ناقتى ۇرلانعان سومانى انىقتاپ جاتقانىن مالىمدەدى.
«ەۆرو-ازيا ەير» تىكۇشاق جانە بيزنەس اۆياتسيا قىزمەتىمەن اينالىسادى. كومپانيا «Sky Logistics Services» جشس-نە تيەسىلى. ونىڭ بەنەفيتسيارلارى – نۇرلان قانىبەكوۆ (65%) جانە تالعات اسەمبەك (35%), ەكەۋى ءبىر وتباسىنىڭ مۇشەلەرى بولۋى مۇمكىن.
نۇرلان قانىبەكوۆ 2019 جىلى Forbes Kazakhstan-نىڭ ىقپالدى كاسىپكەرلەر تىزىمىنە ەنگەن. قانىبەكوۆتەر وتباسىنىڭ داۋلەتى 2025 جىلى 95 ملن دوللارعا باعالاندى. ولار مۇناي جانە اۆياتسيا سالالارىندا بيزنەس جۇرگىزەدى. «ەۆرو-ازيا ەير» كومپانياسىن 2017 جىلى «قازمۇنايگاز» ۇلتتىق كومپانياسىنان 11,85 ملرد تەڭگەگە ساتىپ العان.
