قوستاناي. 6 مامىر. قوستانايداعى قىلمىستىق-تۇزەتۋ جۇيەسى دەپارتامەنتىنىڭ ەڭبەكپەن تۇزەۋ مەكەمەسىندەگى جازاسىن وتەۋشىلەر جەڭىستىڭ 70 جىلدىعىنا ارنالعان كورمە ۇيىمداستىردى. وندا پلاستيكالىق شولمەكتەن تانك جانە باسقا دا بۇيىمدار قويدى. بۇل تۋرالى egemen.kz ءتىلشىسى حابارلادى.
قىلمىستىق-تۇزەتۋ جۇيەسى دەپارتامەنتىندە بۇرىن قىزمەت اتقارعان سوعىس جانە ەڭبەك ارداگەرلەرىن جەڭىستىڭ 70 جىلدىق مەرەكەسىنە وراي قۇرمەت كورسەتىلدى. ولار قىلمىستىق-تۇزەتۋ جۇيەسىنىڭ قىزمەتتىك مىندەتتەرىن اتقارۋ ۇستىندە قازا بولعان قىزمەتكەرلەرىن ءبىر مينۋت ۇنسىزدىكپەن ەسكە الىپ, ولارعا ارنالعان مەموريالعا گۇل شوقتارىن قويدى, قارۋدان ەكى دۇركىن وق اتىلدى.
قىلمىستىق-تۇزەتۋ جۇيەسىنىڭ بايىرعى قىزمەتكەرلەرىنە مەرەكەلىك مەدال مەن سىيلىقتار تابىس ەتىلدى. دەپارتامەنت اۋلاسىندا دالا اسحاناسى ۇيىمداستىرىلىپ, مەرەكەگە قاتىسۋشىلار سولدات بوتقاسىنان ءدام تاتتى. سونداي-اق قىلمىستىق-تۇزەۋ جۇيەسى دەپارتامەنتى ەڭبەكپەن تۇزەۋ مەكەمەسىندە جازاسىن وتەپ جاتقاندار ۇلى وتان سوعىسىنداعى ۇرىس دالاسىنىڭ ماكەتىن جاسادى, وزدەرى جاساعان سوعىس قارۋلارىنىڭ تۇرلەرىن كورسەتتى. ءتىپتى پلاستيك شولمەكتەن تانكتى جاساپ شىعاردى.
ءنازيرا جارىمبەتوۆا.
دەرەك, سۋرەت: ng.kz
