جانىبەك پەن ادامەس اراسىندا الەۋمەتتىك جەلىلەردە ءبىرازدان بەرى سىرتتاي تەكەتىرەس ءجۇرىپ جاتىر: قوس بوكسشى ءبىر-ءبىرىن جەكپە-جەك ۇيىمداستىرۋدان قاشىپ ءجۇر دەپ ايىپتاپ كەلەدى. الايدا قوس كوماندانىڭ ءالى كۇنگە دەيىن ورتاق كەلىسىمگە كەلە الماي جاتقانى بايقالادى.
- قورقاقتى كورگەندەر بار ما؟ كورسەڭدەر, كەلىسىمشارتقا قول قويسىن دەپ ايتىڭدار! – دەپ جازدى ءالىمحان ۇلى الەۋمەتتىك جەلىدەگى پاراقشاسىندا.
ءالىمحان ۇلى - ورتا سالماقتا WBO جانە IBF چەمپيونى. ال ادامەستە وسى سالماقتا WBC تيتۋلى بار.
قازاقستاندىق بوكسشى كەيىنگى رەت 5 ءساۋىر كۇنى استانادا جۇدىرىقتاسىپ, فرانتسيالىق اناۋەل نگاميسسەنگەنى (14-1, 9 KO) بەسىنشى راۋندتا تەحنيكالىق نوكاۋتپەن جەڭگەن بولاتىن.
ال ادامەس رينگكە سوڭعى رەت 22 اقپاندا شىقتى. ول كەزدەگى بريتانيالىق حامزا شيرازبەن (22-0-1, 18 KO) وتكەن جەكپە-جەك تەڭ ناتيجەمەن اياقتالعان ەدى.
