فوتو: massaget.kz
ەلوردا اكىمدىگىنىڭ رەسمي سايتىنىڭ حابارلاۋىنشا فەستيۆالگە 50-60 مىڭ ادام كەلۋى مۇمكىن. قوناقتار ەكى كۇن بويى ءارتۇرلى وڭىرلىك قىمىزدان ءدام تاتىپ, شيپالى سۋسىننىڭ قاسيەتىمەن تانىسادى. قىمىزدىڭ ەمدىك قۋاتى مەن ءداستۇرلى دايىندالۋ ادىستەرى شەبەرلىك ساباقتارى مەن عىلىمي كونفەرەنتسيالاردا كەڭىنەن تالقىلانادى.
«ەڭ ۇزدىك قىمىز» اتاعى ءۇشىن بايقاۋ فەستيۆالدىڭ باستى وقيعاسى بولماق. ساپاسى مەن ءدامى ۇيلەسكەن, ءداستۇرلى ادىسپەن دايىندالعان ەڭ شيپالى قىمىز يەلەرى قوماقتى جۇلدە قورىنا يە بولادى:
I ورىن – 20 ملن تەڭگە;
II ورىن – 15 ملن تەڭگە;
III ورىن – 10 ملن تەڭگە.
قىمىزبەن قاتار, شارا اياسىندا جىلقى كورمەسى, قازاقي تۇقىمداردى تانىستىرۋ, ات ابزەلدەرى جارمەڭكەسى, ۇلتتىق سپورت تۇرلەرىنەن جارىستار, قولونەر شەبەرلەرىنىڭ شەبەرلىك ساباقتارى, عىلىمي كونفەرەنتسيا جانە اۋكتسيوندار وتەدى. بۇل ارقىلى جىلقى مادەنيەتى مەن اۋىل شارۋاشىلىعىنا تىڭ سەرپىن بەرۋ كوزدەلىپ وتىر.
فەستيۆال قوناقتارى گەرمانيا, رەسەي, قىرعىزستان ەلدەرىنەن كەلگەن عالىمدار, دارىگەرلەر مەن ۆەتەرينارلاردىڭ باياندامالارىن تىڭداپ, قىمىز كاپسۋلالاۋ, اشىتۋ تەحنولوگياسى, ساقتاۋ ادىستەرى سياقتى زاماناۋي تاسىلدەرمەن تانىسادى.
