فيلم مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرىلگەن. كارتينا ۇلتتىق بولمىسىمەن جانە مازمۇنىمەن ەرەكشە باعالاندى.
2025 جىلى فەستيۆال رەكوردتىق كورسەتكىشكە قول جەتكىزدى. وعان 121 ەلدەن 2500-دەن استام فيلمگە ءوتىنىم ءتۇستى. فەستيۆالدا ءفيلمنىڭ تۇپنۇسقا مۋزىكا اۆتورى, كومپوزيتور ۆيكتور سولوگۋب تانىستىردى. كومپوزيتور ماراپاتتى بۇكىل ءتۇسىرىلىم توبىنىڭ اتىنان قابىلداپ, تولقىنىسىن جەتكىزدى. سونىمەن قاتار حيكايانىڭ ەرەكشە قاجەتتىلىكتەرى بار ادامداردى تەرەڭىرەك تۇسىنۋگە جانە قابىلداۋعا سەپتىگىن تيگىزەتىنىن اتاپ ءوتتى.
«شاتىرداعى ەكەۋ» – رەجيسسەر گۇلشات سماعۇلوۆانىڭ تۇڭعىش رەجيسسەرلىك دەبيۋتى. تۋىندى تاعدىرى قيىندىققا تولى جاس جىگىت دامير مەن اۋتيزم دەرتىنە شالدىققان ءجاسوسپىرىم كوستيانىڭ اراسىنداعى دوستىقتى باياندايدى. شىعارماشىلىق توپ كارتينادا ينكليۋزيانىڭ ماڭىزىن جانە ەرەكشە بالالاردىڭ قوعامعا بەيىمدەلۋ ماسەلەسىن كوتەرگەن. ءتۇسىرىلىم بيىل كوكتەمدە الماتى قالاسى مەن الماتى وبلىسى تالعار اۋدانىندا ءوتتى. فيلم قازاق جانە ورىس تىلدەرىندە وتكەن جىلى پروكاتقا شىقتى.
بۇعان دەيىن تۋىندى «گراجدانە كرىشي» حانتى-مانسيسك قالاسىندا وتكەن XXIII حالىقارالىق كينو-دەبيۋتتار فەستيۆالىندە «دۋشا روسسي. ميروۆوە كينو» نوميناتسياسىندا جەڭىسكە جەتكەن بولاتىن.
سونداي-اق تۋىندى ۇندىستانداعى «زولوتوي لەۆ» حالىقارالىق كينوفەستيۆالى اياسىندا بىردەن ەكى ماراپاتقا يە بولدى. ولار – «ۇزدىك حالىقارالىق تولىقمەتراجدى فيلم» جانە «دەبيۋتتىك فيلم ءۇشىن ۇزدىك رەجيسسۋرا» نوميناتسيالارى. جانە ماسكەۋدە وتكەن Fashion Film Festival فەستيۆالىندە توعىز جۇلدە جەڭىپ الدى.
