فوتو: اشىق دەرەككوز
ااك-ءتىڭ نەگىزگى ماقساتى – از قامتىلعان وتباسىلاردى قولداۋ, ولارعا اقشالاي كومەك كورسەتۋ جانە وتباسىنىڭ ەڭبەككە قابىلەتتى مۇشەلەرىن جۇمىسقا ورنالاستىرۋعا جاردەمدەسۋ ارقىلى ولاردىڭ ءال-اۋقاتىن جاقسارتۋ.
ااك مىناداي قولداۋلاردى قامتيدى:
- تابىسى وڭىرلىك كەدەيلىك شەگىنەن تومەن ازاماتتارعا توقسان سايىن الەۋمەتتىك كومەك تولەۋ;
- 1 جاستان 6 جاسقا دەيىنگى تابىسى تومەن وتباسىلارداعى بالالارعا اي سايىن 1,5 اەك كولەمىندە قوسىمشا تولەم جاساۋ. بيىلعى 1 شىلدەدەگى جاعداي بويىنشا بۇل كومەك 75,2 مىڭ بالاعا تاعايىندالىپ, 2,1 ميلليارد تەڭگە كولەمىندە تولەم جۇرگىزىلدى;
- جۇمىسقا ورنالاسۋعا, كاسىبىن باستاۋعا نيەتتى ازاماتتارعا گرانت بەرۋ, قاجەت بولعان جاعدايدا وقىتۋ كۋرستارىنا جىبەرۋ سىندى شارالار ارقىلى ەڭبەككە تارتۋ.
ايتا كەتەيىك, ءوتىنىش بەرۋ ءۇشىن ازاماتتار تۇرعىلىقتى جەرى بويىنشا جۇمىسپەن قامتۋ ورتالىقتارىنا, اۋىلدىق وكرۋگ اكىمدەرىنە نەمەسە egov.kz ەلەكتروندىق پورتالى ارقىلى جۇگىنە الادى.
ەستەرىڭىزگە سالا كەتەيىك, 2025 جىلعى 1 قاڭتاردان باستاپ كەدەيلىك شەگى وڭىرلىك مەدياندىق تابىستىڭ 35%-ى دەڭگەيىندە, بىراق وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ەمەس مولشەردە بەلگىلەندى.
