عالىمداردىڭ ايتۋىنشا, وفلاين ءىس-شارالارعا ءجيى قاتىساتىن ادامداردا قۋانىش, قاناعاتتانۋ سەزىمى مەن بەلسەندى قاتىسۋ دەڭگەيى ەداۋىر جوعارى بولادى. زەرتتەۋگە وڭتۇستىك اۋستراليانىڭ 351 تۇرعىنى قاتىسقان. ناتيجەسىندە, وفلاين فورماتتاعى شارالارعا ءجيى قاتىسۋ ادامنىڭ ومىرگە دەگەن قىزىعۋشىلىعىن ارتتىرىپ, مەنتالدىق دەنساۋلىققا وڭ اسەر ەتەتىنى ناقتى دەرەكتەرمەن دالەلدەندى.
زەرتتەۋشىلەر قاتىسۋشىلاردان ءتۇرلى شارالارعا – مادەني فەستيۆالدەردەن باستاپ فەرمەرلىك جارمەڭكەلەرگە دەيىن – قانشالىقتى ءجيى بارعاندارىن سۇراپ, ولاردىڭ پسيحولوگيالىق حال-كۇيىن PERMA ادىستەمەسى ارقىلى باعالاعان. بۇل مودەل بەس باعىتتى قامتيدى: ءپوزيتيۆتى ەموتسيالار, تارتىلۋ (engagement), قارىم-قاتىناس, ماعىنا جانە جەتىستىك سەزىمى.
تۇراقتى تۇردە وفلاين شارالارعا قاتىساتىن ادامداردا قۋانىش, شابىت, تولقۋ سەكىلدى ءپوزيتيۆتى ەموتسيالار باسىم بولعان. ەڭ قىزىعى – ولار ۋاقىتتىڭ قالاي ءوتىپ كەتكەنىن بايقاماي, وقيعاعا تولىق بەرىلىپ كەتەتىندەرىن ايتقان. بۇل – ساتتىك كوڭىل كوتەرۋدەن دە ماڭىزدىراق اسەر: تەرەڭ پسيحولوگيالىق ءسىڭىسۋ.
عالىمدار وفلاين ءىس-شارالاردىڭ اسىرەسە پسيحيكالىق تۇرعىدان ءالسىز كەزەڭدە جۇرگەن ادامدار ءۇشىن ەرەكشە پايدالى ەكەنىن اتاپ ءوتتى. ال ونلاين ءىس-شارالار مۇنداي اسەر بەرە المايدى.
«ادامدار كوپ جينالاتىن ورتادا بولۋ – تىرشىلىك سەزىمىن وياتادى. بۇل بىزگە وسى ساتتە ءومىر ءسۇرىپ جاتقانىمىزدى سەزىندىرەدى», – دەپ ايتىلعان زەرتتەۋدە.
