فوتو: Almaty-akshamy.kz
وقۋ ۇدەرىسى نەگىزىنەن فرانتسۋز تىلىندە جۇرگىزىلەدى. ءتىل بىلمەيتىن ۇمىتكەرلەر ءۇشىن رابات قالاسىنداعى حالىقارالىق تىلدەر ورتالىعىندا ارنايى دايىندىق كۋرستارى قاراستىرىلعان.
ستيپەندياعا ماروككودا تۇراتىن شەتەل ازاماتتارى, سول ەلدىڭ جوعارى وقۋ ورىندارىنىڭ تۇلەكتەرى جانە ەلشىلىكتەردىڭ قىزمەتكەرلەرى مەن ولاردىڭ وتباسى مۇشەلەرى ۇمىتكەر بولا المايدى.
باكالاۆرياتقا ءتۇسۋ تالاپتارى:
- 2024 جىلى بەرىلگەن ورتا ءبىلىم اتتەستاتى;
- باعالار «وتە جاقسى», «جاقسى» نەمەسە «قاناعاتتانارلىق» دەڭگەيدە;
- جاسى – 19–23 ارالىعىندا.
ماگيستراتۋرا مەن دوكتورانتۋراعا:
- ماگيستراتۋرا – جوعارى ءبىلىم ديپلومى, ورتاشا بالى «جاقسىدان» تومەن بولماۋى ءتيىس;
- دوكتورانتۋرا – ماگيستر ديپلومى نەمەسە سوعان تەڭ دارەجەلى ءبىلىمى بولۋى قاجەت.
ايتا كەتەيىك, قۇجاتتاردى تاپسىرۋدىڭ سوڭعى مەرزىمى — 2025 جىلعى 31 شىلدە. وتىنىشتەر www.marocalumni.ma سايتىندا قابىلدانادى, سونداي-اق قازاقستاننىڭ ماروككوداعى ەلشىلىگىنە ەلەكتروندى پوشتا ارقىلى جولدانۋى قاجەت: kazembmar@gmail.com.
قۇجاتتار ءتىزىمى:
- ۇلگەرىم كەستەسى;
- تۋ تۋرالى كۋالىك;
- ازاماتتىق پەن سوتتىلىعى تۋرالى انىقتامالار;
- مەديتسينالىق قورىتىندى;
- تولقۇجات (بولعان جاعدايدا);
- ءبىلىم تۋرالى قۇجاتتار مەن اۋدارمالارى (فرانتسۋز تىلىنە).
گرانت اي سايىنعى ستيپەنديا (750 ديرحام), مەديتسينالىق ساقتاندىرۋ جانە تۇرۋ مەن تاماقتانۋعا وتەماقى ء(وتىنىم نەگىزىندە) شىعىندارىن قامتيدى.
باعدارلاماعا قاتىستى تولىق اقپارات www.amci.ma جانە www.enssup.gov.ma سايتتارىندا قولجەتىمدى.
