باتىس وڭىردە جوعارعى قىسىم الابىنىڭ اسەرىنەن ىستىق ءارى اشىق اۋا رايى كۇتىلەدى. ال قازاقستاننىڭ قالعان اۋماعىندا اتموسفەرالىق ءفرونتالدى بولىكتەردىڭ وتۋىمەن جاڭبىر جاۋىپ, نايزاعاي وينايدى. ورتالىقتا, 10-11 شىلدە كۇندەرى وڭتۇستىك-شىعىستا, 11-12 شىلدەدە سولتۇستىك پەن شىعىستا قاتتى جاڭبىر, بۇرشاق جانە داۋىل بولادى دەپ بولجانۋدا. رەسپۋبليكا بويىنشا جەلدىڭ كۇشەيۋى كۇتىلەدى.
كۇندىز رەسپۋبليكانىڭ باتىسى مەن وڭتۇستىك-باتىسىندا وتە قاتتى اپتاپ ىستىق – 40-44 گرادۋس بولادى. سولتۇستىك وڭىرلەردە كۇندىزگى تەمپەراتۋرا 22-27 گرادۋستان 17-23 گرادۋسقا دەيىن تومەندەيدى. شىعىستا تەمپەراتۋرا نەگىزىنەن 20-28 گرادۋس جىلى بولادى. وڭتۇستىكتە اۋا تەمپەراتۋراسى 25-37 گرادۋستان 38-43 گرادۋسقا دەيىن بىرتىندەپ جوعارىلايدى. وڭتۇستىك-شىعىستا كۇندىز تەرمومەتر باعاندارى 25-30 گرادۋس جىلىنى كورسەتەدى.
