اكتسياعا قاتىسقان 30-عا جۋىق ادام بەلسەندىلىك تانىتىپ, تۋعان ولكەنىڭ تازالىعىن ساقتاۋعا ءوز ۇلەسىن قوستى. اۋماعى 2 گەكتار جەردەن جينالعان 1,5 توننا قوقىس ارنايى پوليگونعا جىبەرىلدى.
«جازعى ۋاقىتتا ازاماتتاردىڭ كوپ دەمالاتىن جەرى – وزەن-كولدىڭ جاعاسى, سول تۇرعىدا شامالعان جاعاسىن تازا ۇستاۋ – نەگىزگى ماقساتىمىز. تازالاۋ بارىسىندا بۇرىننان قوردالانعان تۇرمىستىق قالدىقتار, پوليەتيلەن پاكەت, پلاستيك بوتەلكەلەر سياقتى كۇل-قوقىستار شىعارىلىپ, پوليگونعا جونەلتىلدى. «تازا بەيسەنبى» ەكواكتسياسى ەلدى مەكەندەردە دە جۇيەلى جولعا قويىلعان. الداعى ۋاقىتتا دا بۇل ەكولوگيالىق اكتسيا جالعاسىن تاباتىن بولادى. ءاربىر ازامات تۋعان جەرىنە دەگەن قۇرمەتىن, پارىزىن قورشاعان ورتانى ساقتاۋ, قورعاۋ, كۇتىپ ۇستاۋ ارقىلى كورسەتە ءبىلۋ كەرەك», دەدى «Amanat» پارتياسى قاراساي اۋداندىق فيليالىنىڭ توراعاسى قانىبەك ايتجانوۆ.
اۋداندىق ءماسليحات دەپۋتاتى بەكجان سۇنبەكوۆتىڭ ايتۋىنشا, ەكولوگيالىق ماسەلەلەردى شەشۋ – «Amanat» پارتياسىنىڭ سايلاۋالدى باعدارلاماسىندا قامتىلعان ماڭىزدى باسىمدىقتىڭ ءبىرى.
«پارتيا مۇشەلەرى تابيعاتتى ايالاۋ ءىسىن ءارى قاراي جالعاستىرۋعا نيەتتى. وڭىرلىك سايلاۋالدى باعدارلاماسى اياسىندا 2027 جىلعا دەيىن بارلىق اۋدان ورتالىعىندا, قوناەۆ قالاسىندا رۇقسات ەتىلمەگەن قوقىس ۇيىندىلەرىن جويۋ مىندەتى تۇر. ونىمەن قوسا, وڭىردە ءتورت پوليگون, كەشەندى قوقىس تيەۋ مەن سۇرىپتاۋ الاڭى سالىنباق. سونداي-اق بارلىق اۋىلدا قوقىستى بولەك سۇرىپتاۋعا, قۇرامىندا سىناپ بار قالدىقتاردى جيناۋعا ارنالعان كەمىندە 1 مىڭ كونتەينەر ورناتىلادى», دەيدى دەپۋتات.
الماتى وبلىسى
