سينوپتيكتەردىڭ بولجامى بويىنشا, باتىستا اپتاپ ىستىق بولادى. ەلىمىزدىڭ باتىسىندا جوعارى قىسىم ءورىسىنىڭ اسەرىنەن اۋا رايى ىستىق جانە شۋاقتى بولادى, ال قازاقستاننىڭ قالعان اۋماعىندا اتموسفەرالىق فرونتالدى بولىكتەردىڭ جىلجۋى سالدارىنان نايزاعاي ويناپ, جاڭبىر جاۋادى.
ەلىمىزدىڭ ورتالىعىندا, 10-11 شىلدەدە وڭتۇستىك-شىعىستا, 11-12 شىلدەدە ەلىمىزدىڭ سولتۇستىگىندە, شىعىسىندا نوسەر جاڭبىر جاۋىپ, بۇرشاق تۇسەدى, داۋىل تۇرادى. رەسپۋبليكا بويىنشا ورتاق تابيعي قۇبىلىس - جەلدىڭ ەكپىن الۋى.
كۇندىز رەسپۋبليكامىزدىڭ باتىسىندا, وڭتۇستىك-باتىسىندا 40-44 گرادۋس قاتتى ىستىق بولادى. سولتۇستىك وڭىردە كۇندىز تەمپەراتۋرا 22-27-دەن 17-23 گرادۋسقا دەيىن تومەندەۋى مۇمكىن.
شىعىستا تەمپەراتۋرانىڭ نەگىزگى فونى - 20-28 گرادۋس ىستىق. وڭتۇستىكتە سىناپ باعانى بىرتىندەپ 25-37-دەن 38-43 گرادۋسقا دەيىن كوتەرىلەدى. ەلىمىزدىڭ وڭتۇستىك-شىعىسىندا كۇندىز سىناپ باعاندارى 25-30 گرادۋسقا دەيىن جەتەدى.
