رەسمي دەلەگاتسيا قۇرامىندا ICAO-نىڭ سولتۇستىك اتلانتيكا ايماقتىق بيۋروسىنىڭ ديرەكتورى نيكولاس راللو, قازاقستان رەسپۋبليكاسى كولىك ۆيتسە-ءمينيسترى تالعات لاستاەۆ, قر ازاماتتىق اۆياتسيا كوميتەتىنىڭ توراعاسى سالتانات تومپيەۆا جانە قازاقستاننىڭ ICAO جانىنداعى تۇراقتى وكىلى تيمۋر تلەگەنوۆ بولدى.
قوناقتاردى الماتى حالىقارالىق اۋەجايىنىڭ پرەزيدەنتى گوكەر كوسە ءوزى قارسى الىپ, اۋەجايدىڭ حالىقارالىق تەرمينالى بويىنشا تانىستىرۋ ەكسكۋرسياسىن وتكىزدى. دەلەگاتسيا زاماناۋي جابدىقتالعان, اۋەجايدىڭ نەگىزگى وپەراتسيالىق پروتسەستەرىنە جاۋاپ بەرەتىن جاڭارتىلعان «اۋەجايدىڭ وپەراتسيالارىن باسقارۋ ورتالىعىمەن» تانىستى. سونداي-اق, قوناقتار الماتى حالىقارالىق اۋەجايىنىڭ تاريحى مەن دامۋىنا ارنالعان بىرەگەي اۆياتسيا مۇراجايىندا بولدى.
ەكسكۋرسيادان كەيىن تاراپتار رەسمي كەزدەسۋ وتكىزدى, وندا ازاماتتىق اۆياتسيانى دامىتۋ سالاسىنداعى ىنتىماقتاستىق پەرسپەكتيۆالارىن تالقىلادى. نەگىزگى نازار ينفراقۇرىلىمدى جاڭعىرتۋ, تۇراقتى دامۋ, ەكولوگيالىق باسىمدىقتار مەن اۆياتسيالىق قاۋىپسىزدىكتى قامتاماسىز ەتۋدەگى زاماناۋي تاسىلدەردى ەنگىزۋ ماسەلەلەرىنە اۋدارىلدى.
سالۆاتورە شاككيتانو الماتى اۋەجايىنىڭ حالىقارالىق ستاندارتتارعا ساي ۇنەمى دامۋعا ۇمتىلىسىن جوعارى باعالادى. ول اۋەجايدىڭ ۇشۋ قاۋىپسىزدىگىن قامتاماسىز ەتۋدەگى جەتىستىكتەرىن, ەكولوگيالىق جاۋاپتى شەشىمدەردى ەنگىزۋدى, سونداي-اق اۆياتسيالىق سەكتورداعى گەندەرلىك تەڭدىكتى ىلگەرىلەتۋگە باعىتتالعان باستامالارىن ەرەكشە اتاپ ءوتتى.
كەزدەسۋ قورىتىندىسى بويىنشا تاراپتار ICAO حالىقارالىق ستاندارتتارى اياسىندا اۋە تاسىمالىنىڭ ساپاسى مەن قاۋىپسىزدىگىن ارتتىرۋعا باعىتتالعان باستامالار بويىنشا ودان ءارى ىنتىماقتاستىق جانە بىرلەسكەن جۇمىسقا دايىن ەكەندىكتەرىن راستادى.
