فوتو: اشىق دەرەككوز
مينيسترلىكتىڭ مالىمەتىنشە, 2024 جىلعى 1 قاڭتاردان باستاپ سۋ سالاسى قىزمەتكەرلەرىنىڭ جالاقىسى 25 پايىزعا ءوسىپ, ورتا ەسەپپەن 204 مىڭ تەڭگەنى قۇرادى (بۇرىنعىسى — 163 مىڭ تەڭگە).
«بۇل رەتتە مينيسترلىك 2024 جىلعى جەلتوقساننان باستاپ سۋ سالاسى قىزمەتكەرلەرىنىڭ جالاقىسىن ارتتىرۋعا قاتىستى «تابيعي مونوپوليالار تۋرالى» قر زاڭىنا وزگەرىس پەن تولىقتىرۋ ەنگىزۋ بويىنشا جۇمىس جۇرگىزۋدە. اتاپ ايتقاندا, مەملەكەتتىك ورگاندارمەن, اككرەديتتەلگەن ۇيىمدارمەن, «اتامەكەن» ۇكپ-مەن جانە بارلىق مۇددەلى تۇلعالارمەن كەلىسىلگەن ءتيىستى تۇزەتۋ ازىرلەندى. قر ۇكىمەتىنىڭ وڭ قورىتىندىسى الىندى», دەلىنگەن حابارلامادا.
سونداي-اق, بيىلعى ناۋرىز ايىندا ءماجىلىس دەپۋتاتتارى ماقۇلداعان «اكۆامادەنيەت ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى سەنات قاراۋىنا جولداندى. اتالعان تۇزەتۋلەر قابىلدانعان جاعدايدا, 2025 جىلدىڭ ەكىنشى جارتىجىلدىعىنان باستاپ سۋ سالاسى قىزمەتكەرلەرىنىڭ جالاقىسى تاعى 50 پايىزعا ءوسىپ, 305 مىڭ تەڭگەگە دەيىن جەتەدى.
