فوتو: ءىىم ءباسپاسوز قىزمەتى
جەرگىلىكتى پوليتسيا قىزمەتىنىڭ مامانداندىرىلعان باتالونىنىڭ ەكيپاجى قاراما-قارسى جولاقپەن قوزعالىپ كەلە جاتقان موپەدتى بايقاپ, قۇقىق بۇزۋشىنى توقتاتپاق بولعانىمەن, ول تالاپتى ەلەمەي, قاشىپ كەتپەك بولعان. پوليتسەيدىڭ ءبىرى جاياۋ قۋدى جالعاستىرعان كەزدە, موپەد جۇرگىزۋشىسى ونى ادەيى قاعىپ, سول جەردەن تايىپ تۇرعان.
جەدەل ءىس-شارالار ناتيجەسىندە ۇستالعان وعان بىرنەشە اكىمشىلىك قۇقىق بۇزۋشىلىق بابى بويىنشا ءىس قوزعالدى جانە سوت قاۋلىسىمەن 10 تاۋلىككە اكىمشىلىك قاماققا الىندى.
الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى سەرىك شۋماەۆتىڭ ايتۋىنشا, بۇل – شەكتەن شىققان ارەكەت. مۇنداي جاعدايدا جازانىڭ بۇلتارتپاستىعى قاعيداسى ىسكە اسادى.
«كەيبىر جول قوزعالىسىنا قاتىسۋشىلاردىڭ سالعىرتتىعى, جاۋاپسىزدىعى نەمەسە اگرەسسياسى قوعامدىق قاۋىپسىزدىككە قاۋىپ توندىرمەۋى ءتيىس. ءار ازامات زاڭ تالاپتارىن ساقتاۋعا مىندەتتى. ءبىز مۇنداي قۇقىق بۇزۋشىلىقتارعا جول بەرمەيمىز», دەدى س.شۋماەۆ.
