جوبا «دامۋ ءۇشىن اكت-نى ىلگەرىلەتۋدە ۇكىمەتتەر مەن بارلىق مۇددەلى تاراپتاردىڭ ءرولى» (The role of governments and all stakeholders in the promotion of ICTs for development) ساناتىندا ۇزدىك دەپ تانىلدى.
جەڭىمپازدار بۇگىن جەنەۆادا WSIS+20 High-Level Event اياسىندا جاريالاندى, بۇل شارا بىرىككەن ۇلتتار ۇيىمىنىڭ باستى باستاماسى بولىپ تابىلاتىن اقپاراتتىق قوعام ماسەلەلەرى جونىندەگى دۇنيەجۇزىلىك جوعارى دەڭگەيدەگى كەزدەسۋىنىڭ (ۆۆۋيو) 20 جىلدىعىنا ارنالدى.
سالتاناتتى راسىمدە قازاقستانعا ەرەكشە نازار اۋدارىلدى: قازاقستاندىق كوماندا ماراپاتتاۋ سەسسياسىن اشتى.
ماراپاتتى حالىقارالىق ەلەكتر بايلانىسى وداعىنىڭ (حەو) باس حاتشىسى دورين بوگدان-مارتين مەملەكەتتەر مەن حالىقارالىق ۇيىمدار وكىلدەرىنىڭ قاتىسۋىمەن ءوزى تابىستادى.
بۇل قازاقستاننىڭ WSIS Prizes بايقاۋىنداعى 2013 جىلدان بەرگى العاشقى جەڭىسى. 2025 جىلى بايقاۋعا الەمنىڭ ءتۇرلى ەلدەرىنەن شامامەن 1000 جوبا قاتىستى.
«بۇل جەڭىس – ەلىمىزدىڭ تسيفرلىق دامۋىنىڭ حالىقارالىق دەڭگەيدە مويىندالۋى. قازاقستان جوعارى تەحنولوگيالىق الەۋەتكە يە ەكەنىن كورسەتىپ, الەمدىك ترەندتەردى قۋىپ قانا قويماي, ماڭىزدى تسيفرلىق شەشىمدەردى ۇسىنىپ, ولاردى جاھاندىق دەڭگەيدە دامىتۋعا ۇلەس قوسا الاتىنىن دالەلدەدى», – دەپ اتاپ ءوتتى قر پرەزيدەنتى ءىس باسقارماسى ينجەنەرلىك-تەحنيكالىق ورتالىعىنىڭ باسشىسى داۋرەن نۇراليەۆ.
«احۋالدىق-تالدامالىق كەشەنى”(اتك)– مەملەكەتتىك سەكتورداعى دەرەكتەردى تالداۋ, مونيتورينگ جاساۋ جانە جەدەل باسقارۋ ءۇشىن ازىرلەنگەن يننوۆاتسيالىق تسيفرلىق پلاتفورما. جۇيە ەلدىڭ بارلىق وڭىرلەرى بويىنشا 500-دەن استام الەۋمەتتىك-ەكونوميكالىق دامۋ كورسەتكىشتەرىن قامتيدى جانە ستراتەگيالىق شەشىمدەردى ناقتى ۋاقىت رەجيمىندە قابىلداۋعا مۇمكىندىك بەرەدى. اتك قازاقستان رەسپۋبليكاسى پرەزيدەنتى اكىمشىلىگى مەن قر پرەزيدەنتى ءىس باسقارماسىندا قولدانىلادى.
