ءىىم مالىمەتىنشە, شۋ قالاسىنان الماتى وبلىسىنا «باقىلاناتىن جەتكىزۋ» ادىسىمەن جۇرگىزىلگەن شارا بارىسىندا سينتەتيكالىق ەسىرتكى وندىرۋمەن اينالىسقان قىلمىستىق سحەمانى كورشى ەلدىڭ ەكى ازاماتى ۇيىمداستىرعان. جەدەل ءىس-شارالار كەزىندە زاڭسىز اينالىمنان 11 كەلىدەن استام «مەفەدرون» تاركىلەنىپ, اينالىمعا شامامەن 35 مىڭ ءبىر رەتتىك دوزانىڭ تۇسۋىنە جول بەرىلمەدى. ولاردىڭ قارا نارىقتاعى قۇنى 1,6 ملن اقش دوللارىن قۇرايدى.
زەرتحاناعا جۇرگىزىلگەن ءتىنتۋ كەزىندە 20 ليتر جانە 115 كگ پسيحوتروپتىق زات, سونداي-اق ەكى توننادان استام پرەكۋرسور تاركىلەندى. ولاردى وڭدەۋ ارقىلى 120 كگ سينتەتيكالىق ەسىرتكى دايىنداۋ جوسپارلانعان. قىلمىستىق ورتاعا كەلتىرىلگەن زالال كولەمى 17,5 ملن اقش دوللارىنا باعالانىپ وتىر.
ۇستالعاندار ۋاقىتشا ۇستاۋ يزولياتورىنا قامالدى. ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ مىندەتىن اتقارۋشى دانيار مەيىرحاننىڭ ايتۋىنشا, بۇل باعىتتاعى جۇمىس جالعاسۋدا.
