«جولاۋشىلار تاسىمالى» اق ۆاگون پاركى 30 جاڭا جولاۋشىلار ۆاگونىمەن تولىقتى. پەتروپاۆلداعى زاۋىتتا قۇراستىرىلعان جاڭا قۇرام العاش رەت بۇگىن الماتى-2 ۆوكزالىنان ساراتوۆقا اتتاندى. ولار №7/8 باعىتى بويىنشا تۇراقتى قاتىناي باستادى.
«كومپانيا باس ديرەكتورى انۋار احمەتجانوۆ بۇل باستامانى مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان ماڭىزدى جوبا رەتىندە اتاپ ءوتتى. «ۆاگونداردى جاڭارتۋ – كولىك ينفراقۇرىلىمىن جەتىلدىرۋدەگى باستى مىندەتتىڭ ءبىرى. بۇل جوبا وڭىرارالىق قاتىناستاردى نىعايتۋدا ماڭىزدى ءرول اتقارادى», دەدى ول جاڭا ۆاگونداردى تانىستىرۋ راسىمىندە.
جاڭا پويىز قۇرامىندا 10 ۆاگون بار: 5 كۋپە, 5 پلاتسكارت. ءبىر باعىتتا 400-دەن استام جولاۋشىنى تاسىمالداي الادى. الماتىدان پويىز جۇپ كۇندەرى ساعات 20:00-دە شىعىپ, ساراتوۆا كەلەسى كۇنى 10:10-دا (رەسەي ۋاقىتىمەن) جەتەدى. قايتار جولدا ساراتوۆتان ساعات 14:55-تە شىعىپ, الماتىعا كەلەسى كۇنى تاڭعى 06:54-تە (قازاقستان ۋاقىتىمەن) كەلەدى.
ۆاگوندار زاماناۋي ستاندارتتارعا ساي جاسالعان. كۋپەلەردە ەرگونوميكالىق جاتىن ورىندار, جارىقديودتى شامدار, USB پورتتار مەن ەلەكتر روزەتكالار ورناتىلعان. مۇمكىندىگى شەكتەۋلى جاندارعا ارنالعان ارنايى كۋپەلەر مەن اربا قويۋعا ورىن, سونداي-اق شاقىرۋ باتىرماسى قاراستىرىلعان. قىزمەت ەتۋ مەرزىمى – 40 جىل.
كومپانيا سوڭعى ەكى جىلدا 318 جاڭا ۆاگون ساتىپ العان. ونىڭ 241-ءى پايدالانۋعا بەرىلدى, ونىڭ ىشىندە جاڭا الماتى–ساراتوۆ باعىتىنداعى 30 ۆاگون دا بار. جاڭا قۇرامدار سونداي-اق اتىراۋ, پاۆلودار, تۇركىستان, قىزىلوردا, سەمەي سياقتى باعىتتاردا دا ءجۇرىپ جاتىر.
2025–2027 جىلدارى تاعى 350 ۆاگون جەتكىزىلەدى. ال 2030 جىلعا قاراي جولاۋشىلار ۆاگوندارى تولىق جاڭارتىلادى دەپ جوسپارلانعان.
