استانادا ەلباسىنىڭ قاتىسۋىمەن اسكەري پاراد وتۋدە

استانا. 7 مامىر. استانادا «قازاق ەلى» مونۋمەنتى الاڭىندا پرەزيدەنت – جوعارعى باس قولباسشى نۇرسۇلتان نازارباەۆتىڭ قاتىسۋىمەن وتان قورعاۋشىلار كۇنىنە جانە ۇلى جەڭىستىڭ 70 جىلدىعىنا ارنالعان اسكەري شەرۋ وتۋدە. بۇل تۋرالى «قازاقپارات» حابارلادى. وراسان زور اسكەري پارادتىڭ كورسەتىلىمىن قازاقستاندىقتار رەسپۋبليكالىق تەلەارنالاردىڭ تىكەلەي ەفيرىنەن, سونداي-اق, بارلىق وبلىستارداعى ورتالىق الاڭداردا ورناتىلعان LED-ەكراندار ارقىلى كورۋگە مۇمكىندىك الدى. شەرۋگە 4 747 ادام, 227 اسكەري تەحنيكا, 70 اسكەري اۋە تەحنيكاسى جانە 24 شەرۋ توبى قاتىسۋدا. اسكەري شەرۋ 3 بولىمنەن تۇردى: جاياۋ شەرۋ توپتارىنىڭ ءوتۋى, مەحانيكالاندىرىلعان كولوننانىڭ ءوتۋى جانە اۋە شەرۋى. 24 شەرۋ توبىنىڭ 19-ى – قازاقستان رەسپۋبليكاكسى قارۋلى كۇشتەرىنەن, ونىڭ ىشىندە سوعىس ۋاقىتىنىڭ اسكەري فورماسىن كيگەن جانە قارۋىن اسىنعان (پپش اۆتوماتتارى, موسين ۆينتوۆكالارى, رپد جانە «ماكسيم» پۋلەمەتتەرى) 3 جاياۋ شەرۋ توبى بولدى. سونداي-اق, ۇلتتىق گۆارديادان – 2, توتەنشە جاعدايلار كوميتەتىنەن – 1, ۇلتتىق قاۋىپسىزدىك كوميتەتى شەكارا قىزمەتىنەن – 1, مەملەكەتتىك كۇزەت قىزمەتىنەن – 1 توپ قاتىستى. جەكە قۇرامداعى 4 747 ادامنىڭ 3 684-ءى – قازاقستان رەسپۋبليكاسى قارۋلى كۇشتەرىنەن, 455-ءى – ۇلتتىق گۆارديادان, 173-ءى – توتەنشە جاعدايلار كوميتەتىنەن, 231-ءى – ۇلتتىق قاۋىپسىزدىك كوميتەتى شەكارا قىزمەتىنەن, 204-ءى – مەملەكەتتىك كۇزەت قىزمەتىنەن. شاراعا قاتىسىپ جاتقان جالپى اسكەري تەحنيكا سانى – 227 بىرلىك. قازاقستان رەسپۋبليكاسى قارۋلى كۇشتەرىنەن – 188 بىرلىك تەحنيكا شىعادى. ونىڭ ىشىندە ت-34 تانكتەرى, زيل-157 اۆتوكولىكتەرى, زيس-2, م-30, رس30 «كاتيۋشا» قارۋلارى بار. سونداي-اق, ۇلتتىق گۆارديادان – 19, ۇلتتىق قاۋىپسىزدىك كوميتەتى شەكارا قىزمەتىنەن – 13, مەملەكەتتىك كۇزەت قىزمەتىنەن – 7 بىرلىك تەحنيكا قاتىسادى. قر قارۋلى كۇشتەرىنەن – 59 بىرلىك, ۇلتتىق قاۋىپسىزدىك كوميتەتى شەكارا قىزمەتىنەن – 6 بىرلىك, توتەنشە جاعدايلار كوميتەتىنەن – 5 بىرلىك, جالپى سانى 70 اۋە تەحنيكاسى قاتىسۋدا. ەلامان قوڭىر. دەرەك: «قازاقپارات». سۋرەت: vlast.kz.