ستەپنوگورسكىنىڭ جىلۋ جەلىلەرىنە رەكونسترۋكتسيا جاسالادى

اتالعان قاراجات جەدەل رەكونسترۋكتسيالاۋدى قاجەت ەتەتىن ديامەترى 530 مم بولاتىن 6,5 شاقىرىم جىلۋ جەلىلەرىن جوندەۋگە بولىنگەن. قالانىڭ جىلۋ جەلىلەرىنىڭ ۇزىندىعى 123,8 شاقىرىم. ماگيسترالدىق جىلۋ جەلىسى 1968 جىلى سالىنعان جانە توزۋ دەڭگەيى 84,4%-دى قۇرايدى.

ۇكىمەتتىڭ ءباسپاسوز قىزمەتىنىڭ مالىمدەۋىنشە كەلەشەكتە «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى شەڭبەرىندە 2025-2026 جىلدارى 5,8 ملرد تەڭگە سوماسىنا ۇزىندىعى 9,5 شاقىرىم, ديامەترى 820 مم بولاتىن ماگيسترالدىق جىلۋ جەلىلەرىن رەكونسترۋكتسيالاۋ جونىندەگى جوبانى جۇزەگە اسىرۋ جوسپارلانىپ وتىر.

اتالعان جۇمىستاردى جۇرگىزۋ الداعى جىلىتۋ ماۋسىمىنا ۋاقتىلى دايىندالۋعا, كۇردەلى اپاتتاردىڭ الدىن الىپ, ۇيلەرگە جىلۋدىڭ ۇزدىكسىز بەرىلۋىن قامتاماسىز ەتۋگە مۇمكىندىك بەرەدى.

ەستەرىڭىزگە سالايىق, ستەپنوگورسك قالاسىنىڭ حالىق سانى شامامەن 46 مىڭ ادامدى قۇرايدى, كوپ قاباتتى ۇيلەر سانى – 316, الەۋمەتتىك نىساندار – 65, باسقا تۇتىنۋشىلار – 342. بارلىق تۇرعىن ۇيلەر مەن نىساندار ورتالىقتاندىرىلعان جىلىتۋدى تۇتىنۋشىلار بولىپ cانالادى, جالپى ماكسيمالدى جىلۋ جۇكتەمەسى – 175 گكال.