فوتو: اشىق دەرەككوز
بولىنگەن قاراجاتتىڭ باسىم بولىگى شامامەن 3 ميلليارد تەڭگە ەكىباستۇز قالاسىنداعى جىلۋ جەلىلەرىن جاڭعىرتۋعا باعىتتالعان. اتاپ ايتقاندا, بۇل سوما ورتالىق جىلۋ تاراتۋ پۋنكتىنەن 1,4 شاقىرىم جەردەگى ەلدى مەكەنگە دەيىن سوزىلاتىن تم-I جانە تم-III ماگيسترالدارىن جوندەۋگە جۇمسالادى.
«پاۆلوۆ – شەۆچەنكو – كاتاەۆ كوشەسىندەگى تۇرعىن ءۇي شاعىن اۋدانىن جىلۋمەن قامتاماسىز ەتۋ ءۇشىن كامزين كوشەسى بويىنشا تم-13 سالۋ جوباسىن اياقتاۋعا پاۆلودار قالاسىنا 802 ملن تەڭگە باعىتتالادى. شىعىنداردىڭ جالپى سوماسى 5,8 ملرد تەڭگەنى قۇرايدى. ۇكىمەت رەزەرۆىنەن 3,8 ملرد تەڭگە ءبولىندى. قالعان 2 ملرد تەڭگە كولەمىندەگى قاراجات وبلىستىق بيۋدجەتتەن قارجىلاندىرىلدى. 2024 جىلى ۇكىمەت رەزەرۆىنەن بولىنگەن قاراجاتقا ۇزىندىعى 9 شاقىرىم ماگيسترالدىق جىلۋمەن جابدىقتاۋ جەلىلەرىنە جوندەۋ جۇرگىزىلدى. ەكىباستۇز جەو-دا قازاندىق اگرەگاتتارى جوندەلىپ, تازارتىلعان سۋ قۇبىرى سالىندى», دەپ حابارلادى ۇكىمەتتىڭ ءباسپاسوز قىزمەتى.
بۇعان قوسىمشا, وبلىس بويىنشا جىلۋ بەرۋشى كاسىپورىنداردا 2,4 شاقىرىم جىلۋ جەلىلەرى جاڭارتىلعان. ونىڭ ىشىندە ء«تاريفتى ينۆەستيتسياعا ايىرباستاۋ» باعدارلاماسى اياسىندا سالىنعان, قۇنى 1,7 ميلليارد تەڭگە بولاتىن 2,1 شاقىرىمدىق جاڭا جىلۋ جەلىلەرى بار.
وسى جۇمىستاردىڭ ناتيجەسىندە 2024 جىلدىڭ باسىندا وبلىستاعى جىلۋ جەلىلەرىنىڭ توزۋ دەڭگەيى 79,7%-عا دەيىن تومەندەگەن.
«وبلىس ورتالىعى مەن ەكىباستۇز قالاسىنداعى جەلىلەردىڭ توزۋىن ودان ءارى تومەندەتۋ جانە الداعى جىلىتۋ ماۋسىمىندا ۇزدىكسىز جىلۋمەن قامتاماسىز ەتۋ ءۇشىن جىلۋ ماگيسترالدارىنىڭ اعىمداعى رەكونسترۋكتسياسىن ۋاقتىلى اياقتاۋ قاجەت. 2024 جىلعى جەلتوقساندا بەكىتىلگەن «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسىن جۇزەگە اسىرۋ شەڭبەرىندە پاۆلودار قالاسىندا 1-نو-52 جەو ۋچاسكەسىندە وتكىزۋ قابىلەتىن ارتتىرا وتىرىپ, 9,8 ملرد تەڭگە سوماعا جاڭا تم-20ا جىلۋ ماگيسترالىن سالۋ جوسپارلانۋدا. جوبا نەگىزىندە رەسپۋبليكالىق بيۋدجەتتەن قاراجات قاراستىرىلماعان قالا اۋماعىنىڭ 30%-ىن جىلۋمەن قامتاماسىز ەتۋ كوزدەلگەن», دەلىنگەن حابارلامادا.
