2026 جىلعى الەمدىك سۇرانىستىڭ ءوسىم بولجامى دا 1,3 ملن باررەل دەڭگەيىندە ساقتالعان. وسىلايشا, كەلەر جىلى مۇنايدىڭ جالپى الەمدىك سۇرانىسى تاۋلىگىنە 106,4 ملن باررەلگە جەتپەك.
«2025–2026 جىلدارى مۇنايعا دەگەن الەمدىك سۇرانىس, نەگىزىنەن, اۋە تاسىمالىنا دەگەن جوعارى سۇرانىس ەسەبىنەن كۇشەيەدى. سونداي-اق اۆتوموبيل تاسىمالىنا دەگەن سۇرانىس تا تۇراقتى ساقتالىپ وتىر. الەمدىك سۇرانىستىڭ وسۋىنە ەكونوميكالىق ىنتىماقتاستىق جانە دامۋ ۇيىمىنا كىرمەيتىن ەلدەردەگى مۇناي-حيميا ونەركاسىبىندە جاڭا قۋاتتاردىڭ پايدا بولۋى ايتارلىقتاي اسەر ەتەدى», دەلىنەدى AERC شولۋىندا.
وپەك+ قاتارىنا كىرمەيتىن ەلدەردەگى مۇناي ءوندىرىسىن سارالاۋ دا ماڭىزدى. مۇنداي ءوسىمنىڭ نەگىزگى درايۆەرلەرى – اقش, برازيليا, كانادا جانە ارگەنتينا. 2026 جىلى بۇل ەلدەردەگى ءوندىرىس كولەمى تاۋلىگىنە 0,7 ملن باررەلگە كوبەيەدى دەپ بولجانادى. ءسويتىپ, تۇتىنۋ تاۋلىگىنە 54,7 ملن باررەلگە جەتپەك.
بىزدە مامىردا ءوندىرىس تاۋلىگىنە 21 مىڭ باررەلگە ازايدى. سونىڭ وزىندە وپەك+ كۆوتاسىنان 470 مىڭ باررەلگە اسىپ تۇر.
«وپەك ەسەبىنە سايكەس مامىردا ءوندىرىس ساۋىرمەن سالىستىرعاندا تاۋلىگىنە 21 مىڭ باررەلگە ازايىپ, تاۋلىگىنە 1,8 ملن باررەل بولدى. ەلىمىزدەگى مۇناي ءوندىرىسىنىڭ كولەمى كەيىنگى 4 ايدا تاۋلىگىنە 1,8 ملن باررەلگە جۋىق دەڭگەيدە ساقتالىپ كەلە جاتىر. الايدا قاڭتار-ساۋىردەگى دەرەكتە مۇناي ەكسپورتىنىڭ قۇندىق كولەمى وتكەن جىلدىڭ وسى كەزەڭىمەن سالىستىرعاندا ايتارلىقتاي ازايعان. فرانتسيا, رۋمىنيا, قىتاي جانە تۇركيا قازاقستان مۇنايىنىڭ يمپورتىن ارتتىرعان. ىرگەلى تاۋەكەلدەر ءالى دە ساقتالىپ وتىر. سەبەبى يران مەن يزرايل اراسىنداعى قاقتىعىستىڭ ودان ءارى ۋشىعۋى پارسى شىعاناعى وڭىرىنەن مۇناي جەتكىزۋدىڭ بۇزىلۋىنا الىپ كەلۋى مۇمكىن», دەيدى ساراپشىلار.
وسى فاكتورلاردى ەسكەرە كەلە, ماماندار قىسقامەرزىمدى كەلەشەكتە Brent ماركالى مۇناي باعاسىنىڭ قالىپتى ءوسىمى جالعاسادى دەپ بولجايدى. قانداي دا ءبىر گەوساياسي شوكتار مەن سىرتقى قىسىمدار بولماعان جاعدايدا مۇناي باعاسى باررەلىنە 76 دوللار ماڭايىندا تۇراقتاۋى مۇمكىن.
