ۇلتتىق ستاتيستيكا بيۋروسىنىڭ مالىمەتىنشە, 2025 جىلعى ماۋسىمدا تۇتىنۋ باعالارىنىڭ ايلىق يندەكسى باياۋلاي ءتۇسىپ, 0,8% قۇرادى, ال 2025 جىلعى مامىردا 0,9% پايىزدى قۇراعان.
ازىق-ت ۇلىك تاۋارلارىنىڭ ىشىندە باعا قيارعا – 19,5%, قىرىققاباتقا – 18,1%, قىزاناققا – 15%, سارىمساققا – 8,4%, بانانعا - 3,4%, جۇمىرتقاعا 3% تومەندەگەن. وسى ورايدا بالمۇزداق باعاسى 1,9% وسكەن, يوگۋرت – 1,6%, جاڭعاق – 1,5%, رۋلەت پەن كەكستەرگە – 1,3%, كونديتەرلىك ونىمدەر مەن سالقىنداتىلعان سۋسىندار – 1%-دان, ساردەلكا باعاسى 0,9% قىمباتتاعان.
ازىق-ت ۇلىككە جاتپايتىن تاۋارلاردىڭ ىشىندە ماۋسىم ايىندا تۇرمىستىق زاتتاردان ەلەكترلى ەت تارتقىش باعاسى 2,5%, ۇتىكتىكى 1% وسكەن.
تاريفتەر اراسىنان ىستىق سۋ 6,2% تومەندەدى. قىزمەت كورسەتۋ سەكتورىندا باعا فوتوگراف قىزمەتىنە 3,3% وسكەن, سالتاناتتى شارالار وتكىزەتىن ۇيىمداستىرۋشىلاردا – 2,8%, تەلەديدار جوندەۋ – 2,4%, تۇرعىن-ءۇي, جايلاردى جوندەۋ جانە قىزمەت كورسەتۋ – 1,4%, شاشتارازدار مەن سۇلۋلىق سالوندارى قىزمەتتەرى 1,3% جوعارىلاعان.
2025 جىلعى ماۋسىمدا جىلدىق ماندە ينفلياتسيا دەڭگەيى 11,8% قۇرادى.
جىلدىق ماندە قاراقۇمىق جارماسى – 9%, كۇرىش – 8,3%, قيار – 3,5%, س ۇلى جارماسى – 2,5%, كەپتىرىلگەن ورىك 2,3% ارزاندادى. كەرىسىنشە المۇرت – 11,3%, كونسەرۆىلەنگەن جۇگەرى – 10,8%, جەمىس جانە كوكونىس شىرىندارى 10,4% قىمباتتاعان.
ازىق-ت ۇلىك ەمەس تاۋارلارىنىڭ ىشىندە بلەندەر باعاسى 7,8% ءوستى.
2024 جىلعى ماۋسىممەن سالىستىرعاندا وتكەن ماۋسىم ايىندا كابەلدىك تەلەۆيزيا قىزمەتتەرى 2,2% جوعارىلاعان.
ينفلياتسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى. باقىلاۋلار قىزمەتتەر مەن تاۋارلاردىڭ تاريفتەرى مەن باعالارى – بارلىعى 508 پوزيتسيا بويىنشا جۇرگىزىلەدى. ينفلياتسيا بويىنشا ديناميكالىق وزگەرىستەردى 2018 جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتا كورۋگە بولادى.
ايتا كەتەيىك, 2025 جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق–ت ۇلىك تاۋارلارىنىڭ ۇلەسى – 40,0%, ازىق-ت ۇلىك ەمەس تاۋارلار – 30,3%, اقىلى قىزمەتتەر 29,7% قۇرادى.
