فوتو: اشىق دەرەككوز
تۇرعىنداردىڭ ايتۋىنشا, بالالار فۋتبول ويناپ جۇرگەن كەزدە الاڭعا بىرنەشە يت كىرىپ كەتكەن.
وبلىستىق پوليتسيا دەپارتامەنتى كامەلەتكە تولماعان بالانىڭ دەنساۋلىعىنا ابايسىزدا اۋىر زيان كەلتىرۋ فاكتىسى بويىنشا پوليتسيا قىلمىستىق ءىس تىركەپ, سوتقا دەيىنگى تەرگەۋ امالدارىن جۇرگىزىپ جاتقانىن حابارلادى.
الماتى وبلىستىق دەنساۋلىق ساقتاۋ باسقارماسىنىڭ مالىمەتىنشە, 2014 جىلى تۋعان بالا 30 ماۋسىم كۇنى ساعات 17:02-دە قاراساي اۋداندىق اۋرۋحاناسىنىڭ قابىلداۋ بولىمىنە جەتكىزىلگەن. الدىمەن رەانيماتسياعا جاتقىزىلىپ, كەيىن تراۆماتولوگيا بولىمىنە اۋىستىرىلعان.
«بۇگىن, 1 شىلدەدەگى جاعداي بويىنشا بالانىڭ جالپى جاعدايى – العان جاراقاتتارىنا بايلانىستى ورتاشا اۋىر. قازىرگى تاڭدا حاتتامالارعا سايكەس ەم قابىلداپ جاتىر», دەلىنگەن باسقارما حابارلاماسىندا.
