دەپارتامەنت باسشىسىنىڭ ورىنباسارى نۇرلان ابديەۆتىڭ ايتۋىنشا, جوسپاردان تىس جۇرگىزىلگەن تەكسەرۋلەر كەزىندە جوسىقسىز كاسىپكەرلەرگە 55 اكىمشىلىك ايىپپۇل سالىنعان.
«تاۋاردى ايىرباستاپ بەرمەۋ مەن قايتارۋدان باس تارتۋ, سونداي-اق 10 كۇندىك مەرزىمدە شاعىمعا جاۋاپ بەرىلمەۋى بويىنشا كوپتەگەن شاعىمدار تۇسكەن. سونىمەن قاتار, الەۋمەتتىك ماڭىزى بار ونىمدەرگە ۇستەمە باعانى زاڭسىز قوسۋ دەرەكتەرى ءجيى انىقتالعان», - دەيدى نۇرلان ابديەۆ.
شاعىمداردىڭ باسىم بولىگى بولشەك ساۋدا مەن ەلەكتروندى ساۋدا سالالارىنان تۇسكەن. ال تۇرعىن ءۇي-كوممۋنالدىق شارۋاشىلىق سالاسىنداعى شاعىمدارعا قاتىستى دەپارتامەنت جەرگىلىكتى اتقارۋشى ورگاندارمەن بىرلەسىپ, ماسەلەلەردى جەدەل شەشۋ جولدارىن ۇسىنىپ كەلەدى.
تۇرمىستىق قىزمەت كورسەتۋ سالاسىندا دا تۇتىنۋشىلار ساپاسىز قىزمەتكە ءجيى تاپ بولادى. مۇنداي جاعدايدا دەپارتامەنت ءتۇسىندىرۋ جۇمىستارىن جۇرگىزىپ, سوتقا دەيىن شاعىم جازۋعا كومەكتەسەدى جانە سوت پروتسەستەرىنە ءۇشىنشى تۇلعا رەتىندە قاتىسادى.
ن. ابديەۆ سونداي-اق 2025 جىلدىڭ 13 ناۋرىزىنان باستاپ قازاقستان رەسپۋبليكاسىنىڭ اكىمشىلىك قۇقىقبۇزۋشىلىقتار تۋرالى كودەكسىنە وزگەرىستەر ەنگىزىلگەنىن حابارلادى. بۇل وزگەرىستەر دەپارتامەنتتىڭ وكىلەتتىگىن كەڭەيتكەن. قازىرگى ۋاقىتتا مەملەكەتتىك ورگان اتالعان كودەكستىڭ 157, 190 جانە 193-باپتارى بويىنشا اكىمشىلىك ىستەردى قاراپ جاتىر. 190-باپتىڭ 5-بولىگىنە سايكەس, تۇتىنۋشىلاردىڭ قۇقىقتارى تۋرالى اقپاراتتىڭ بولماۋى, شاعىمدارعا كەش جاۋاپ بەرىلۋى جانە اقشانىڭ ۋاقتىلى قايتارىلماۋى سياقتى زاڭبۇزۋشىلىقتار ءۇشىن سالىناتىن ايىپپۇل مولشەرى: شاعىن بيزنەسكە – 10 اەك, ورتا بيزنەسكە – 15 اەك, ءىرى بيزنەسكە – 25 اەك.
دەپارتامەنت جۇمىسىنىڭ نەگىزگى باعىتتارىنىڭ ءبىرى – الەۋمەتتىك ماڭىزى بار ازىق-ت ۇلىك تاۋارلارىنا باعا ءتۇزۋ كەزىندە دەلدالدىقپەن كۇرەسۋ. وسى توقساندا كوميسسيانىڭ 12 وتىرىسى ءوتىپ, 268 زاڭبۇزۋشىلىق انىقتالىپ, 235 اكىمشىلىك حاتتاما تولتىرىلعان.
دەپارتامەنت ماماندارى ازاماتتارعا تۇتىنۋشىلاردىڭ قۇقىقتارى, زاڭناماداعى وزگەرىستەر جانە ساتۋشىلاردىڭ مىندەتتەرى تۋرالى ءتۇسىندىرۋ جۇمىستارىن جالعاستىرا بەرمەك.
