2024 جىلعا ارنالعان كولىك سالىعىن تولەۋ مەرزىمى 2025 جىلعى 1 ساۋىردە اياقتالعان. 1 ساۋىردەن كەيىن وتەلمەگەن سالىق سوماسىنا ءار كەشىكتىرگەن كۇن ءۇشىن ۇلتتىق بانكىنىڭ قايتا قارجىلاندىرۋ مولشەرلەمەسىنىڭ 1,25 ەسەلەنگەن مولشەرىندە ءوسىمپۇل ەسەپتەلەدى.
– قارىز وتەلمەگەن جاعدايدا سالىق ورگاندارى 30 جۇمىس كۇنى ىشىندە حابارلاما جولدايدى. ەگەر وسى مەرزىمدە تولەم جاسالماسا جانە بەرەشەك 1 اەك-تەن اسسا, سالىق بۇيرىعى شىعارىلادى. ول 5 جۇمىس كۇنى ىشىندە ورىندالۋعا ءتيىس. ورىنداۋ بولماعان جاعدايدا ءىس جەكە سوت ورىنداۋشىلارعا جولدانادى, – دەيدى ءا. تۇرلىبەكوۆا.
باسقارما باسشىسىنىڭ ايتۋىنشا, قاتار جەكە سوت ورىنداۋشىلار سالىق تولەۋشىنىڭ مۇلكىنە تىيىم سالۋعا جانە ونى الىپ قويۋعا, بانك شوتتارىن بۇعاتتاۋعا, بەرەشەك مولشەرى 40 اەك-تەن اسقان جاعدايدا ەلدەن شىعۋعا تىيىم سالۋعا, نەگىزگى قارىزدان بولەك, ءوز قىزمەتى ءۇشىن 25%-عا دەيىن قوسىمشا شىعىن ءوندىرىپ الۋعا قۇقىلى.
ال وندىرىستىك ەمەس تولەمدەر باسقارماسىنىڭ باس مامانى ەركەبۇلان نۇكەباەۆتىڭ ايتىسىنا قاراعاندا, «سەرگەك-قورعاۋ» جۇيەسى ارقىلى 64,5 ملن تەڭگە تولەنگەن.
– وڭىردە ماۋسىم ايىنداعى كولىك سالىعى بويىنشا 10 131 ازاماتتىڭ جالپى بەرەشەگى 524 ملن تەڭگەگە جەتكەن, ونىڭ 407 ملن تەڭگەسى سەمەي قالاسىنا تيەسىلى. 19 ماۋسىمعا دەيىن سالىق ورگاندارى 376,1 ملن تەڭگەگە 11 154 سالىق بۇيرىعىن جەكە سوت ورىنداۋشىلارىنا جولدادى. بۇگىندە 1 884 اتقارۋشىلىق ءىس قوزعالىپ, 96,6 ملن تەڭگە ءوندىرىلدى. قارىزدى ازايتۋ ماقساتىندا وبلىستىق ادىلەت دەپارتامەنتى, پوليتسيا دەپارتامەنتى جانە جسو پالاتاسىمەن بىرلەسكەن مەموراندۋم اياسىندا «سەرگەك-قورعاۋ» جۇيەسى ارقىلى 769 رەيد ءجۇرىپ, 64,5 ملن تەڭگە وتەلدى, – دەيدى وندىرىستىك ەمەس تولەمدەر باسقارماسىنىڭ باس مامانى ەركەبۇلان نۇكەباەۆ.
اباي وبلىسى
