فوتو: تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى
مينيسترلىكتىڭ حابارلاۋىنشا, جاڭا ەرەجەلەرگە سايكەس, ەلىمىزدەگى مىڭعا جۋىق ستارتاپ ەندى مەملەكەتتىك ساتىپ الۋلارعا قاتىسۋعا جانە قارجىلىق تۇراقتىلىق دەڭگەيىن راستاۋعا مۇمكىندىك الادى. ستارتاپتار — جۇمىس ىستەۋ تاريحى شەكتەۋلى جانە قارجىلىق كورسەتكىشتەرى سالىستىرمالى تۇردە تومەن جاس كومپانيالار. وسى سەبەپتى ولار بۇرىن قارجىلىق تۇرعىدا تۇراقسىز دەپ باعالانىپ, بۇل ولاردىڭ رەيتينگىن تومەندەتكەن. تيىسىنشە ستارتاپتاردىڭ مەملەكەتتىك ساتىپ الۋلارعا قاتىسۋ مۇمكىندىگى شەكتەلگەن.
ءتسدياوم بۇل تالاپتاردى قايتا قاراۋ جونىندە باستاما كوتەرىپ, ولاردى جەڭىلدەتۋدى ۇسىندى.
«بۇگىنگى تاڭدا ءبىزدىڭ ۇسىنىسىمىز مەملەكەتتىك ورگاندار تاراپىنان قولداۋ تاپتى. بۇرىن ستارتاپتار وسى تالاپتىڭ كەسىرىنەن اۆتوماتتى تۇردە مەملەكەتتىك ساتىپ الۋلار جۇيەسىنەن شىعارىلاتىن, بۇل ولاردى ءوز شەشىمدەرىن مەملەكەتكە ۇسىنۋ مۇمكىندىگىنەن ايىردى. ەندى جاڭا ەرەجەلەرگە سايكەس بۇل كەدەرگى جويىلدى. ناتيجەسىندە Astana Hub قاتىسۋشىلارىنىڭ بارلىعى, سونىڭ ىشىندە سەنىمدى باعدارلامالىق قامتاماسىز ەتۋ تىزىلىمىنە ەنگەندەر دە مەملەكەتتىك ساتىپ الۋلار جۇيەسىنە تولىققاندى قاتىسا الادى», دەدى جاساندى ينتەللەكت جانە يننوۆاتسيالاردى دامىتۋ كوميتەتىنىڭ توراعاسى عيززات بايتۇرسىنوۆ.
بۇل باستاما ۇلتتىق كاسىپكەرلەر پالاتاسى (ۇكپ) مەن باسەكەلەستىكتى قورعاۋ جانە دامىتۋ اگەنتتىگىنىڭ قولداۋىنا يە بولدى. سونىمەن قاتار, جاڭا ەرەجەلەر قازاقستان رەسپۋبليكاسى قارجى مينيسترلىگىمەن بەكىتىلىپ, جاقىن ارادا كۇشىنە ەنەدى.
