«Amanat» پارتياسى جۋرناليستەر اراسىنداعى وسى رەسپۋبليكالىق بايقاۋدى 16 جىل قاتارىنان وتكىزىپ كەلەدى. وسى جىلدار ارالىعىندا اتالعان ءىس-شارا ەلىمىزدىڭ اقپارات سالاسىنداعى ماڭىزدى وقيعاعا اينالدى. ءماجىلىس سپيكەرى, «Amanat» پارتياسىنىڭ توراعاسى ەرلان قوشانوۆ بايقاۋ جەڭىمپازدارى مەن بۇقارالىق اقپارات قۇرالدارىنىڭ بارشا وكىلىن الداعى كاسىبي مەرەكەلەرىمەن قۇتتىقتادى.
«كەشە عانا مەملەكەت باسشىسى قاسىم-جومارت توقاەۆ بارشا جۋرناليستەر قاۋىمىن قۇتتىقتاپ, مارتەبەلى ماراپاتتار تاپسىردى. پرەزيدەنت ۇلتتىق مەديا حالىقتىڭ ءۇنى, ال جۋرناليست جاسامپازدىق جارشىسى ەكەنىن ەرەكشە اتاپ ءوتتى. راسىمەن دە, جۋرناليست – قوعامنىڭ ايناسى, شىندىقتىڭ شىراقشىسى, حالىقتىڭ اماناتىن ارقالاۋشى. مۇنىڭ ءبارى بۇقارالىق اقپارات قۇرالدارىنىڭ قوعامداعى ءرولى مەن الار ورنىن ايقىندايدى. سىزدەر – قوعامدىق پىكىر قالىپتاستىراسىزدار. سوندىقتان سىزدەرگە دەگەن ىقىلاس تا, ءىلتيپات تا, ارتىلاتىن سەنىم دە جوعارى», دەدى ول.
سونداي-اق ە.قوشانوۆ بۇگىندە «Amanat» پارتياسى سايلاۋالدى باعدارلاماسىن جۇزەگە اسىرۋ اياسىندا باق-پەن تىعىز بايلانىستا جۇمىس ىستەپ كەلە جاتقانىن جەتكىزدى. سونىمەن قاتار ول جۋرناليستەردىڭ «جەر اماناتى», «اۋىل اماناتى», «قارىزسىز قوعام» جانە وزگە دە پارتيالىق جوبالاردى جۇزەگە اسىرۋعا قوسقان ەلەۋلى ۇلەسىن اتاپ ءوتتى. ونىڭ بارلىعى ازاماتتاردىڭ ناقتى ماسەلەلەرىن شەشۋگە باعىتتالعان.
ءماجىلىس سپيكەرى مەديا سىيلىق ارقىلى پارتيا ەلىمىز ءۇشىن اسا ماڭىزدى ماسەلەلەرگە باق نازارىن اۋداراتىنىن اتاپ ءوتتى. بۇل – مەملەكەت باسشىسىنىڭ رەفورمالارى, تاريحي وقيعالار, پارتيالىق جوبالار. بۇل تاقىرىپتار جۋرناليستەرگە ەتەنە جاقىن. بيىل بايقاۋعا 3 مىڭعا جۋىق ءوتىنىم كەلىپ ءتۇستى. بارلىق جۇمىستىڭ تورتتەن ءبىر بولىگى «ەڭبەك ادامى تۋرالى ۇزدىك ماتەريال» اتالىمىنا تيەسىلى. سونىمەن قاتار بيىل العاش رەت ەلىمىزدىڭ ەكولوگيالىق كۇن تارتىبىنە ۇلەس قوسقان جۇرناليستەر ءۇشىن «Taza Qazaqstan» ارنايى اتالىمى, سونداي-اق كونستيتۋتسيانىڭ 30 جىلدىعىنا ارنالعان اتالىم تاعايىندالدى. ايماقتىق جۋرناليستيكاعا, سونداي-اق الەۋمەتتىك جەلىلەردە قوعامدىق پىكىر قالىپتاستىراتىن بلوگەرلەرگە ەرەكشە نازار اۋدارىلدى.
وسى ورايدا جەڭىمپازدار قاتارىنان كورىنىپ, مەرەيى تاسىعان ارىپتەسىمىز, «قازاق گازەتتەرى» جشس باس ديرەكتورىنىڭ ورىنباسارى قامبار احمەت «زاڭ مەن ءتارتىپ» – كونستيتۋتسياسىنىڭ 30 جىلدىعىنا ارنالعان ۇزدىك ماتەريال اتالىمىنىڭ يەگەرى اتاندى. ول ەل كوشىن العا باستايتىن يگى ىستەردى بۇقاراعا جەتكىزۋگە اتسالىسىپ جۇرگەن جۋرناليستەر قاۋىمىن وسىلاي باعالاپ جاتقان پارتياعا ريزاشىلىعىن ءبىلدىرىپ, جاقسىلىقتىڭ جارشىسى بولاتىن جاڭالىقتاردىڭ كوبەيە بەرۋىنە تىلەكتەس ەكەنىن جەتكىزدى.
«تەلەۆيزيا ۇزدىگى» اتالىمى بويىنشا جەڭىمپاز اتانعان جىگەر سارسەننىڭ ايتۋىنشا, پارتيا ەل مۇددەسىنە ادالدىق تانىتىپ, وتاندىق جۋرناليستيكاعا كوپ جىل جان-جاقتى قولداۋ كورسەتىپ كەلە جاتقانىن اتاپ ءوتتى.
ال امانكەلدى قۇرمەت «الاش اماناتى» ارنايى اتالىمىن يەلەندى. ونىڭ ماتەريالى تاريحي جادىنى جاڭعىرتۋعا, ساقتاۋعا جانە ۇلتتىق بىرەگەيلىك تاقىرىبىنا ارنالدى. ونىڭ ايتۋىنشا, بۇل ماراپات – تەك ءبىر ماقالا ءۇشىن ەمەس, جالپى ۇلتتىق قۇندىلىقتار ساباقتاستىعىن نىعايتۋعا باعىتتالعان كاسىبي قىزمەتىنە بەرىلگەن جوعارى باعا.
سونىمەن قاتار كونكۋرستىق كوميسسيانىڭ شەشىمىمەن بيىل «Amanat مەديا سىيلىعىنىڭ» كەلەسىدەي جەڭىمپازدارى انىقتالدى: «ەلىمىزدەگى رەفورمالار تۋرالى ۇزدىك ماتەريال» اتالىمى – «Tengrinews.kz» سايتىنىڭ ءتىلشى-رەداكتورى ارۋجان ءدارىباي; «ەڭبەك ادامى تۋرالى ۇزدىك ماتەريال» اتالىمى – «قازاقستان» رترك» اق دەرەكتى فيلمدەر ديرەكتسياسىنىڭ جەتەكشىسى نۇربەك بەكباۋوۆ; «جاستار تۋرالى ۇزدىك ماتەريال» اتالىمى – «El.kz» ينتەرنەت-پورتالىنىڭ اعا ءتىلشىسى اقمارال سايپبەك; «ايماق تۋرالى ۇزدىك ماتەريال» اتالىمى – «Qyzylorda» تەلەارناسى باس رەداكتورىنىڭ ورىنباسارى بەكزات ەسقاليەۆ جانە «سارىارقا» تەلەارناسىنىڭ شەف-رەداكتورى گۇلباقشا اقاجانوۆا; «پارتيا جۇمىسى تۋرالى ۇزدىك ماتەريال» اتالىمى – «31 ارنا» تەلەارناسىنداعى «ينفورمبيۋرو» اقپاراتتىق باعدارلاماسىنىڭ ءتىلشىسى سىمبات بايجوكەنوۆ; «Taza Qazaqstan» – ەكولوگيا مەن قورشاعان ورتانى ساقتاۋ تۋرالى ۇزدىك ماتەريال» اتالىمى – «Azattyq Rýhy» اقپارات اگەنتتىگىنىڭ ءتىلشىسى اياگوز قۇرماش. بۇعان قوسا «بەلسەندى ازاماتتىق ۇستانىمى ءۇشىن» سىيلىعى – جۋرناليست ءارى قوعام قايراتكەرى ءلايلا سۇلتانقىزىنا تابىستالدى.
