بايقاۋ «ادەبيەت», «عىلىم», «ديزاين جانە بەينەلەۋ ونەرى», «جۋرناليستيكا», «كلاسسيكالىق مۋزىكا», «قوعامدىق قىزمەت», «سپورت», «تەاتر جانە كينو», «ەسترادا», «حالىق شىعارماشىلىعى» اتتى 10 نوميناتسياعا سايكەس وتەدى.
سىيلىق الۋعا حالىقارالىق جانە رەسپۋبليكالىق كونكۋرستاردىڭ, فەستيۆالدەر مەن ءتۇرلى شارالاردىڭ لاۋرەاتتارى, رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى, سونداي-اق قىزمەتى يننوۆاتسيالىق جانە ءتيىستى سالا مەن تۇتاستاي قوعامدى دامىتۋعا ىقپال ەتكەن ەلىمىزدىڭ 35 جاسقا دەيىنگى ازاماتتارى ۇمىتكەر بولا الادى.
«دارىن» جاستار سىيلىعىن الۋعا كانديداتۋرالاردى ورتالىق, جەرگiلiكتi جانە وزگە دە مەملەكەتتىك ورگاندار, قوعامدىق بiرلەستiكتەر جانە ەل اۋماعىندا تىركەلگەن وزگە دە زاڭدى تۇلعالار جۇرگىزەدى جانە مىناداي قۇجاتتاردى قاعاز جانە ەلەكتروندىق تۇردە جىبەرەدى:
1) كانديداتتىڭ جەكە باسىن كۋالاندىراتىن قۇجاتتىڭ كوشىرمەسى;
2) وسى قاعيدالارعا قوسىمشاعا سايكەس نىسان بويىنشا «دارىن» مەملەكەتتىك جاستار سىيلىعىن الۋعا ارنالعان تىركەۋ ءوتىنىمى;
3) ءوتىنىشحات پەن سىيلىق الۋعا ىزدەنۋشىنىڭ جەتىستىكتەرى تۋرالى انىقتاما;
4) ماراپاتتاۋ ديپلومدارىنىڭ, گراموتالاردىڭ, العىس حاتتاردىڭ كوشىرمەلەرى (بولعان جاعدايدا);
5) كانديداتتىڭ نەمەسە كانديدات تۋرالى ماقالالاردىڭ, جاريالانىمداردىڭ كوشىرمەلەرى (بولعان جاعدايدا);
6) بانكتىك شوتتىڭ بولۋى تۋرالى انىقتامانىڭ كوشىرمەسى;
7) كانديداتتىڭ جەتىستىكتەرى تۋرالى راستايتىن ماتەريالدار (بولعان جاعدايدا).
جەڭىمپازدارعا «دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە ولار ديپلوممەن, توسبەلگىمەن سونداي-اق قارجىلاي سىيلىقپەن ماراپاتتالادى.
«دارىن» جاستار سىيلىعى 1992 جىلى تاعايىندالعان. ءار جىلدارى اتالعان سىيلىقتى ءتۇرلى سالاداعى 360-تان استام ازامات يەلەنگەن بولاتىن.
