2025 جىلى اقش-تاعى وقۋىن اياقتاعاننان كەيىن مەرۋەرت حالىقارالىق ستۋدەنتتەرگە ارنالعان بەدەلدى Penn Global Student Citizenship Award سىيلىعىن يەلەندى. ول ستۋدەنتتىڭ جاھاندىق ماسەلەلەردى شەشۋگە دەگەن ۇمتىلىسى ءۇشىن بەرىلەدى. وسىلايشا, مەرۋەرت UPenn-ءنىڭ 284 جىلعى تاريحىنداعى اتالعان سىيلىقتى يەلەنگەن العاشقى قازاق اتاندى.
وقۋ بارىسىندا ول تەڭدىك جانە ينكليۋزيا سالاسىنداعى زەرتتەۋلەرمەن بەلسەندى اينالىسقان, جاھاندىق ساياسات ورتالىعىندا تاعىلىمدامادان وتكەن, سونداي-اق ۋنيۆەرسيتەت ومىرىنە بەلسەنە ارالاسىپ, ستۋدەنتتىك ۇكىمەت پرەزيدەنتى بولىپ سايلاندى. ۋنيۆەرسيتەتتىڭ رەسمي سايتىندا وتانداسىمىز مەرۋەرت تۋرالى: «مەرۋەرت UPenn-ءنىڭ اكادەميالىق جانە قوعامدىق ومىرىندە قازاقستاننان كەلگەن ستۋدەنت رەتىندە بەلسەنە ارالاسىپ كەلەدى», دەپ جازىلعان.
سونىمەن قاتار وسى جىلدىڭ ءساۋىر ايىندا مەرۋەرت ء«بىلىم بەرۋ سالاسىنداعى فيلوسوفيا دوكتورى» باعدارلاماسى بويىنشا University of Oxford-كە دوكتورانتۋراعا شاقىرۋ الدى. وقۋ وسى جىلدىڭ قازان ايىندا باستالادى.
كامشات تولەگەنوۆا,
ل.گۋميلەۆ اتىنداعى ەۇۋ-دىڭ 2-كۋرس ستۋدەنتى
