ەكولوگيالىق مادەنيەت – ەلدىك ءىس

ۇكىمەت باسشىسى «تازا قازاقستان» پرەزيدەنت باستاماسى ەكولوگيالىق مادە­نيەتتى ارتتىرۋعا جانە تابيعات­قا جاناشىرلىقپەن قاراۋدى قالىپتاس­تىرۋعا باعىتتالعانىن اتاپ ءوتتى. بۇل جۇمىس جۇيەلى سيپاتقا يە, بارلىق جاستاعى ازاماتتارىمىز, بيزنەس جانە قوعامدىق ۇيىمداردىڭ وكىلدەرى ەكولوگيالىق اكتسيالارعا بەلسەندى قاتىسادى. بۇگىنگى تاڭدا «تازا قازاقستان» ۇلكەن قوعامدىق قوزعالىسقا, كۇندەلىكتى مادەنيەتتىڭ اجىراماس بولىگىنە اينالدى.

«مەملەكەت باسشىسىنىڭ يدەياسى «تازا قازاقستان» باستاماسىن  تابيعاتتى قورعاۋ ءۇشىن عانا ەمەس, سونىمەن قاتار ويدىڭ دا, بويدىڭ دا تازالىعىن ساقتاپ, ادامنىڭ ىشكى مادەنيەتىن تاربيەلەۋ ارقىلى ونى دۇرىس ءومىر سالتىنا اينالدىرۋ بولىپ سانالادى. رۋحانياتتىڭ دامۋىنا ەرەكشە كوڭىل ءبولۋ كەرەك. اينالاڭداعى ادامدارعا, ءداستۇرلى قۇن­دىلىقتارعا قۇرمەتپەن قاراۋ, قوعام­دىق جاۋاپكەرشىلىكتى دامىتۋ جانە ەڭبەكقورلىق مەملەكەت باسشىسىنىڭ «تازا قازاقستان» باستاماسىن جۇزەگە اسىرۋدىڭ ماڭىزدى باعىتتارى بولۋعا ءتيىس», دەپ اتاپ ءوتتى و.بەكتەنوۆ.

ەكولوگيا جانە تابيعي رەسۋرستار مينيسترلىگىنىڭ دەرەگى بويىنشا اكتسياعا قاتىسۋشىلاردىڭ جالپى سانى 2 ملن-نان استام ادامدى قۇرادى, ونىڭ 156 مىڭى – ەرىكتىلەر.

«تازا قازاقستان» باستاماسى مەملە­كەت­تىك ورگانداردان عانا ەمەس, قوعامدىق ۇيىمداردان دا كەڭىنەن قولداۋ تاپتى. مىسال رەتىندە «اۋىل» پارتياسىنىڭ «تازا 25» اكتسياسىن ايتۋعا بولادى, وندا جاستار, ەرىكتىلەر مەن بەلسەندىلەر قازاقستاننىڭ ءار وڭىرىندەگى تانىمال سۋ ايدىندارىنىڭ 25 كم جاعالاۋ ايماعىن تازارتادى. بۇگىنگى تاڭدا اكتسيا اياسىندا 79 كم تازارتىلىپ, 470 توننا قوقىس جينالدى. جىل سوڭىنا دەيىن بۇكىل ەلىمىز بويىنشا 500 شاقىرىم جاعالاۋ ايماعىن قامتۋ جوسپارلانىپ وتىر», دەدى ەكولوگيا جانە تابيعي رەسۋرستار ءمينيسترى ە.نىسانباەۆ.

ۇكىمەت باسشىسى رەسپۋبليكالىق جانە وڭىرلىك دەڭگەيدە پرەزيدەنت باس­تاماسىن جۇزەگە اسىرۋ شەڭبەرىندەگى ءىس-شارالاردى بەلسەندى تۇردە اقپاراتتىق قولداۋدىڭ ماڭىزدىلىعى تۋرالى اتاپ ءوتتى.

مادەنيەت جانە اقپارات ءمينيسترى ايدا بالاەۆا اتالعان باعىتتا كەشەندى ءارى جۇيەلى جۇمىس اتقارىلىپ جاتقانىن ايتتى.

ءبىرىنشى باعىت – اعارتۋشىلىق, مادەني جانە گۋمانيتارلىق سيپات­تاعى ۇيىمداستىرۋشىلىق شارالار. ءمينيستردىڭ ايتۋىنشا, بۇل رەتتە باس­تامانى حالىققا جەتكىزۋدىڭ باستى قوزعاۋشى كۇشى – ازاماتتىق قوعام. وسى قاتاردا جاستار, ۇكىمەتتىك ەمەس ۇيىمدار, ەتنومادەني بىرلەستىكتەر, ۆولونتەرلەر قوزعالىسى, سونداي-اق مادەنيەت جانە ونەر قايراتكەرلەرى بەلسەندى اتسالىسىپ جاتىر.

«جاستار ساياساتى سالاسىندا مەملەكەت باسشىسىنىڭ قاتىسۋىمەن وتكەن كوكتەمگى ەكولوگيالىق فەستيۆال جاس بۋىنعا رۋحاني سەرپىن بەردى. فەستيۆالدە پرەزيدەنت جاستاردىڭ ءرولىن ەرەكشە اتاپ ءوتتى. «جاسىل ەل» جاستار ەڭبەك جاساقتارىنا بيىل 35 مىڭنان استام جاس تارتىلىپ وتىر. كەلەر جىلدان باستاپ بۇل جاساقتار تەحنيكالىق, اگرارلىق, قۇرىلىس جانە پەداگوگيكالىق باعىتتارمەن تولىعادى»,  دەدى مينيستر.

ەكىنشى باعىت – «تازا قازاقستان» يدەياسىن بۇقارالىق اقپارات قۇرالدارى مەن الەۋمەتتىك جەلىلەردە كەڭىنەن ناسيحاتتاۋ. مينيستر اتاپ وتكەندەي, وسى ماقساتتا ناقتى اقپاراتتىق ارنايى مەديا-جوسپار ازىرلەندى. باق بەتتەرىن­دە «تازا قازاقستان», «قالالىق ورتا», «ەكولوگيا», «تازا ولكە», «تابيعات اناڭ – ايالا ونى!», «تازالىق», «تازا بەيسەنبى» سياقتى ايدارلار اشىلىپ, مازمۇندىق تۇرعىدان كەڭىرەك ناسيحاتتالىپ جاتىر.

«بيىل 5 ماۋسىمدا وتكەن جالپىۇلت­تىق تەلەمارافون ەكولوگيالىق يدەيانى اقپاراتتىق, مادەني-اعارتۋشىلىق جانە يدەولوگيالىق تۇرعىدان بىرىكتىرىپ, قوعامعا وڭ اسەر ەتتى. تەلەارنالاردا «تازا قازاقستان» برەندىمەن سەريالدار, دەرەكتى فيلمدەر مەن ارنايى جوبالار قوسىلماق. اقپارات الاڭىندا بەلسەندى تۇلعالار, بلوگەرلەر مەن مەديا سالاسىنىڭ وكىلدەرى «تازا قازاقستان» يدەياسىن قولداپ, ءوز اۋديتورياسىنا ەكولوگيالىق مادەنيەتتى قالىپتاستىرۋعا باعىتتالعان مازمۇندى كونتەنتتەر ۇسىنىپ كەلەدى», دەپ اتاپ ءوتتى ا.بالاەۆا.

وقۋ-اعارتۋ ءمينيسترى عاني بەيسەم­باەۆ مينيسترلىك «تازا قازاقستان» تۇجىرىمداماسىن ىسكە اسىرۋعا  بەلسەندى اتسالىسىپ جاتقانىن باياندادى. اتالعان جۇمىس «بالالار – تازا قازاقستان ءۇشىن» قاعيداتىمەن جۇزەگە اسىرىلۋدا, ال ونىڭ نەگىزگى ماقساتى – ءبىلىم الۋشىلار اراسىندا ەكولوگيالىق مادەنيەت قالىپتاستىرۋ, جاس ورەندەردى تازالىققا تاربيەلەۋ ەكەنىن اتاپ ءوتتى سالا باسشىسى.

عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا, ەلىمىزدىڭ جوعارى وقۋ ورىندارى اۋقىمدى اعارتۋ ءىس-شارالارىن وتكىزەدى, ەكولوگتەردىڭ جاڭا بۋىنىن دايارلايدى جانە ەكولو­گيالىق باعدارلانعان عىلىمي جوبالاردى ازىرلەۋگە جانە ەنگىزۋگە قاتىسادى.

«جالپى «تازا قازاقستان» اكتسيا­سى جاريالانعالى بەرى جوعارى وقۋ ورىندارىنىڭ ستۋدەنتتەرى مەن وقىتۋ­شىلارىنىڭ قاتىسۋىمەن 1 500-گە جۋىق ءارتۇرلى ءىس-شارا وتكىزىلدى. بۇل شارالارعا جوعارى وقۋ ورىندارىنان 240 مىڭنان اسا ادام قاتىستى. بارلىق جوعارى وقۋ ورىندارى ستۋدەنتتەرى اراسىندا «Taza Like» ءىس-شاراسى شەڭبەرىندە ەكوساعاتتار وتكىزىلدى»,  دەدى س.نۇربەك.

پرەمەر-مينيستر جاۋاپتى مينيسترلىكتەرگە بىرقاتار ناقتى تاپسىرما بەرە كەلە, «ورتاق ىسكە بار كۇشتى جۇمىلدىرا وتىرىپ, وتباسىلىق ءداستۇرلى قۇندىلىقتاردى, قوعامداعى دۇرىس مىنەز-ق ۇلىقتى, مادەني مۇرالارعا ۇقىپتى كوزقاراستى,  وتانشىلدىق قاسيەتتەردى سىڭىرۋگە ءتيىسپىز. اتالعان باعىتتاردى «ادال ازامات» تاربيەلىك باعدارلاماسىندا ەسكەرۋ قاجەت», دەدى.