فوتو: (ارحيۆ) تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى
ء«بىز قازاقستاندا جاساندى ينتەللەكتتى ستراتەگيالىق قۇرال رەتىندە قاراستىرامىز. ءبىزدىڭ ماقسات ادامدى الماستىرۋ ەمەس, ونىڭ مۇمكىندىكتەرىن ينتەللەكتۋالدى شەشىمدەر ارقىلى كۇشەيتۋ بولىپ وتىر», دەدى مينيستر.
ج.ماديەۆتىڭ ايتۋىنشا, ارينە, جاساندى ينتەللەكتىنىڭ دامۋى ەڭبەك نارىعىنا دا تىكەلەي اسەر ەتەدى. ول ەڭ الدىمەن كۇندەلىكتى قايتالاناتىن جۇمىستارعا اسەر ەتەدى. بولاشاقتا كەيبىر ماماندىقتار ازايۋى مۇمكىن. بۇل – جاساندى ينتەللەكتىنىڭ كەيبىر مىندەتتەردى تەز, ارزان جانە قاتەلىكسىز ورىنداي الۋىمەن بايلانىستىرىلىپ وتىر. جاساندى ينتەللەكت قاۋىپسىز ءارى ينتەللەكتۋالدى ەڭبەككە جول اشادى.
«مىسالى, ونەركاسىپ سالاسىندا روبوتتاندىرىلعان كەشەندەر ەنگىزىلىپ جاتىر. ولار ادامنىڭ قاۋىپتى وندىرىستەرگە قاتىسۋىن ازايتادى. سول سياقتى تاۋ-كەن ءوندىرىسى, قۇرىلىس نەمەسە مەتاللۋرگيا سالاسىن اتاپ وتۋگە بولادى. وسى سالالاردا جاساندى ينتەللەكت ارقىلى جاراقات الۋ قاۋپىن ازايتا الامىز. ال ادامنىڭ مىندەتى باسقارۋ, ينجەنەرلىك قىزمەتتەر, ۇدەرىستەردى باقىلاۋ سياقتى جوعارى دەڭگەيدەگى فۋنكتسيالارعا اۋىسادى», دەدى ج.ماديەۆ.
ءمينيستردىڭ ايتۋىنشا, ارينە, اتالعان وزگەرىستەر بىردەن بولمايدى.
«بۇل بىرتىندەپ جۇرەتىن تابيعي پروتسەسس ءوزى. سوندىقتان ءبىز كادرلاردى قايتا دايارلاۋ مەن وقىتۋ جۇمىستارىن ءدال قازىر قازىردەن باستاپ جۇرگىزىپ جاتىرمىز», دەدى جاسلان ماديەۆ.
