جامبىل وبلىسى اكىمىنىڭ ءبىرىنشى ورىنباسارى نۇرجان كالەندەروۆ مەديتسينا قىزمەتكەرلەرىن كاسىبي مەرەكەلەرىمەن قۇتتىقتاپ, ادام ءومىرىن ساقتاۋ جولىنداعى ولاردىڭ جانقيار ەڭبەگى ۇلكەن قۇرمەتكە لايىق ەكەنىن اتاپ ءوتتى.
وڭىردە «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 28 نىساننىڭ قۇرىلىسى جۇرگىزىلىپ, مەركى, تالاس, شۋ اۋداندارىندا اۋدانارالىق كوپبەيىندى ورتالىق اۋرۋحانالار قۇرىلدى.
الداعى جىلدارى بايزاق, جۋالى, قورداي اۋداندارىندا ءۇش ءىرى اۋداندىق اۋرۋحانانىڭ قۇرىلىسىن جۇرگىزۋ, سونداي-اق مەركى, تالاس, شۋ اۋداندارىندا ءۇش اۋدانارالىق كوپسالالى اۋرۋحانالاردى قايتا جاڭعىرتۋ جوسپارلانۋدا.
بۇدان بولەك, تاراز قالاسىندا 400 توسەك-ورىنعا ارنالعان كوپبەيىندى اۋرۋحانا جانە جەدەل-مەديتسينالىق جاردەم ستانساسىن سالۋ كوزدەلىپ وتىر.
بيىل دەنساۋلىق ساقتاۋ ۇيىمدارىنىڭ ماتەريالدىق-تەحنيكالىق بازاسىن نىعايتۋعا 6 ملرد تەڭگە قاراستىرىلعان.
مەرەكەلىك ءىس- شارادا دەنساۋلىق ساقتاۋ سالاسىنىڭ 57 ۇزدىك مامانىنا قر دەنساۋلىق ساقتاۋ مينيسترلىگىنىڭ «ەڭبەك ارداگەرى» مەدالى, «دەنساۋلىق ساقتاۋ ىسىنە قوسقان ۇلەسى ءۇشىن», «دەنساۋلىق ساقتاۋ ءىسىنىڭ ۇزدىگى», ءوڭىر باسشىسىنىڭ «وبلىسقا سىڭىرگەن ەڭبەگى ءۇشىن» توسبەلگىلەرى, قۇرمەت جانە العىس حاتى سالتاناتتى تۇردە تابىستالدى.
جامبىل وبلىسى
