فوتو: اشىق دەرەككوز
ادۆوكاتتىڭ ايتۋىنشا, العاشقى سوت ۇكىمى 21 ماۋسىمدا زاڭدى كۇشىنە ەنگەن. وسى كۇننەن باستاپ سوتتالعانداردىڭ اپەللياتسياعا شاعىمدانۋعا 15 كۇنى بار.
«قازىرگى تاڭدا بارلىق سوتتالعاندار مەن ولاردىڭ قورعاۋشىلارى اپەللياتسيالىق شاعىمدارىن تاپسىردى. تەك شىڭعىس بەلعوجاەۆ پەن كامەلەتكە تولماعان دۋمان ىسقاق ازىرگە شاعىم تۇسىرگەن جوق», دەدى شەكەەۆ.
ەستەرىڭىزگە سالا كەتەيىك, 5 ماۋسىمدا تالدىقورعان قالالىق سوتىندا اتالعان قىلمىستىق ءىس بويىنشا توعىز ايىپتالۋشىعا ۇكىم شىققان بولاتىن.
تەرگەۋ دەرەگى بويىنشا, باستى ايىپتالۋشى ابزال شىناسىل 23 جىلعا ورتاشا قاۋىپسىزدىك مەكەمەسىندە باس بوستاندىعىنان ايىرىلدى. راۆيل ساكيەۆكە — 20 جىل, ازامات توقتاۋباەۆقا — 15 جىل, نۇرقياس يلياسوۆقا — 9 جىل تۇرمە جازاسى تاعايىندالدى.
شىڭعىس بەلعوجاەۆ, دارحان اسكەنتاي, نۇربول توقتاۋباەۆ جانە ديدار قالياحمەت – ارقايسىسى 7 جىلدان جازا الدى.
ال كامەلەتكە تولماعان دۋمان ىسقاق 1 جىل 6 اي مەرزىمگە سوتتالدى.
