سۋرەت: gov.kz
ەرەك جوبا اقتوبە وڭىرىندەگى مۇعالجار مەن ايتەكە بي اۋداندارىندا قولعا الىندى. ايتەكە بي اۋدانىنداعى ارالتوعاي ەلدى مەكەنىنىڭ اينالاسىن ارال تەڭىزىنىڭ تابانىنان كوشكەن قۇم باسىپ, توپىراق قۇنارى ازايعان. ءتورت ت ۇلىكتىڭ قىس ازىعىن دايىنداۋ ءۇشىن شارۋالار يەن دالانى شارلاپ, ءشوپ ىزدەپ كەتەدى. توزعان جەردى تىڭايتۋ ماقساتىندا 500 گەكتار جەرگە ەركەكشوپ پەن جوڭىشقا تۇقىمى سەبىلمەك.
«جايىلىم جەر بار, شابىندىق از. بىزگە كەرەگى – كوپجىلدىق شوپتەردى ەگىپ, مال شارۋاشىلىعىمەن اينالىساتىن شارۋالاردىڭ ماسەلەسىن شەشۋ. جوبا اياسىندا شارۋالار توزعان جەردى قالىپقا كەلتىرۋدىڭ زاماناۋي ءادىس-ءتاسىلىن ۇيرەنەدى. ول ءۇشىن فەرمەرلىك دالا مەكتەپتەرى قۇرىلىپ, اگروورمان مەليوراتسيالىق جۇيەلەرىن قالىپتاستىرۋعا قاتىستى ءبىلىم بەرۋ باعدارلاماسى ازىرلەنەدى», دەدى اۋدان اكىمى داۋلەتيار توعىزباەۆ.
فەرمەرلىك دالا مەكتەبىنىڭ ۇلتتىق ۇيلەستىرۋشىسى تالعات كەرتەشەۆتىڭ ايتۋىنشا, شارۋا قوجالىقتارىنا جايىلىمدى قالاي دۇرىس باسقارۋ كەرەكتىگى ۇيرەتىلەدى.
«القاپتىڭ ونىمدىلىگىن ساقتاپ, سودان كەيىن ونى دەگراداتسياعا ۇشىراتپاۋ ادىستەرى تۋرالى ءدارىس جۇرگىزەمىز. باسقا دا وقىتۋ مودۋلدەرىمىز بار. سولاردى نەگىز ەتىپ بىرقاتار ماقسات-مىندەتتەر جۇكتەپ وتىرمىز», دەيدى.
توزعان جايىلىمدار مەن شابىندىقتاردى قايتا قالپىنا كەلتىرۋگە بىلىكتى ماماندار جۇمىلدىرىلادى. مىسالى, شىعاناق بەرسيەۆ اتىنداعى اقتوبە جوعارى اگرارلىق-تەحنيكالىق كوللەدجىنىڭ اگرونوميا بويىنشا ارنايى پاندەردىڭ وقىتۋشىسى گۇلنار ەششانوۆا ءبىلىم ورداسى جانىنداعى 20 گەكتار جەردەن 20 جىلعا جۋىق ۋاقىتتان بەرى مول ءونىم الىپ كەلەدى. ول عىلىم مەن تاجىريبەنى ۇشتاستىرا وتىرىپ, جيعان-تەرگەن مول ءبىلىمىن شارۋالارمەن بولىسۋگە دايىن. «قىلتىقسىز ارپاباستىڭ تۇقىمىن شاشىپ, كوبەيتۋ كەرەك. ەكپە اعاشتاردى وتىرعىزىپ, جەل ەروزياسى مەن سۋ ەروزياسىنا قارسى كوپجىلدىق داقىلداردى وسىرگەن دۇرىس», دەيدى مامان.
