ءىس-شاراعا مەملەكەتتىك ورگان قىزمەتكەلەرى, پارلامەت ءماجىلىسىنىڭ دەپۋتاتتارى, ۇكىمەتتىك ەمەس ۇيىمدار وكىلدەرى جانە ساراپشى مامان عالىمدارمەن قاتار ستۋدەنتتەر قاتىستى.
پىكىر سايىستىڭ كورىگىن قىزدىرعان پارلامەنتى ءماجىلىسىنىڭ دەپۋتاتى اجار ساعىندىقوۆا: «ەلىمىزدىڭ ەكولوگيالىق احۋالىنا قاتىستى شەشىمىن تابۋعا ءتيىس ماسەلە – قوقىس قالدىقتارى. ەلىمىزدە ءبىر جىلدا 5 ميلليون توننادان استام تۇرمىستىق قاتتى قالدىقتار تاستالادى, ونىڭ تەك 20%-عا جۋىعى عانا قايتا وڭدەلەدى. بۇل – ەكولوگيالىق قانا ەمەس, سونىمەن قاتار ەكونوميكالىق ماسەلە. «تازا قازاقستان» اكتسياسى قوعامدا وزگەرۋگە دايىندىق پەن جىگەر بار ەكەنىن كورسەتتى. ەكولوگيالىق مادەنيەت تۇجىرىمداماسىن ىسكە اسىرۋ – ەكولوگيانى تەك ساياساتتىڭ ءبىر بولىگى ەمەس, ادامداردىڭ ساناسىنىڭ ءبىر بولىگىنە اينالدىرۋعا بەرىلگەن مۇمكىندىك. ءاربىر تازا اۋلا, قايتا وڭدەلگەن ءبىر كيلوگرامم قوقىس, ءاربىر سانالى ارەكەت – بۇل ەلىمىزدىڭ تۇراقتى بولاشاعىنا قوسىلعان ۇلەس», – دەسە, ەكولوگيا جانە تابيعي رەسۋرستار مينيسترلىگىنىڭ ەكولوگيالىق ساياسات دەپارتامەنتى ديرەكتورى مىندەتىن اتقارۋشى ناتاليا داۋلەتياروۆا بولسا, اتالمىش مينيسترلىك 2024–2029 جىلدارعا ارنالعان ەكولوگيالىق مادەنيەتتى دامىتۋ تۇجىرىمداماسىن ازىرلەپ بەكىتكننى تۋرالى ايتىپ, «ەكولوگيالىق مادەنيەتتى قالىپتاستىرۋدا تابيعي رەسۋرستاردى ۇنەمدى پايدالانۋ ونى جۇزەگە اسىرۋ, ءوز مىنەز-قۇلقىن وزگەرتۋگە دايىن بولۋىمىز كەرەك. ەكىنشى تاراپتان حالىق پەن بيزنەستىڭ ەكولوگيالىق ساۋاتتىلىعى مەن جاۋاپكەرشىلىگى, سونداي-اق مەملەكەتتىك ورگانداردىڭ ءتيىستى تاقىرىپتىق شەشىمدەردى قابىلداۋى ماڭىزدى قۇرامداس بولىكتەر بولىپ تابىلادى», دەپ ءوز پىكىرىمەن ءبولىستى
سونداي-اق, پىكىرسايىسقا سپيكەر رەتىندە «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» كەاق باسقارماسى توراعاسىنىڭ ورىنباسارى ساۋلە قوزىكە, پارلامەنتى ءماجىلىسىنىڭ جانىنداعى قوعامدىق پالاتانىڭ ساراپشىسى ايجان سكاكوۆا, م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالى ەكولوگيا جانە تابيعاتتى پايدالانۋ كافەدراسىنىڭ دوتسەنتى ۆلاديمير دەحنيچ قاتىستى.
جيىن قورىتىندىسى بويىنشا ەلىمىزدىڭ مەملەكەتتىك ورگاندارىنا ەكولوگيا جانە قورشاعان ورتا سالاسىنداعى بىرلەسكەن شارالارعا قاتىستى ۇسىنىستار ازىرلەنەدى.
