فوتو: اشىق دەرەككوز
قازاقستان رەسپۋبليكاسى اكىمشىلىك راسىمدىك-پروتسەستىك كودەكسىنىڭ 90-بابىنا سايكەس مەملەكەتتىك ورگانداردىڭ, جەرگىلىكتى ءوزىن-ءوزى باسقارۋ ورگاندارىنىڭ باسشىلارى مەن ولاردىڭ ورىنباسارلارى ازاماتتاردى جانە زاڭدى تۇلعالاردىڭ وكىلدەرىن, ونىڭ ىشىندە وسى ورگانداردىڭ قىزمەتكەرلەرىن ايىنا كەمىندە ءبىر رەت, ءتيىستى مەملەكەتتىك ورگاننىڭ باسشىسى بەكىتكەن قابىلداۋ كەستەسىنە سايكەس, جەكە قابىلداۋعا مىندەتتى ەكەنى ناقتى كورسەتىلگەن. بۇل – زاڭمەن بەكىتىلگەن جاۋاپكەرشىلىك قانا ەمەس, سونداي-اق قوعاممەن بايلانىس جاساۋدىڭ جۇيەلى جولى.
تسيفرلاندىرۋ مەن جاساندى ينتەللەكت داۋىرىندە كوپتەگەن قىزمەت ءتۇرى ونلاين فورماتقا كوشكەنىمەن, جەكە قابىلداۋدىڭ ماڭىزدىلىعى تومەندەگەن جوق. كەرىسىنشە, ول – ازامات پەن شەنەۋنىك اراسىنداعى ديالوگتىڭ بالاماسىز الاڭى دەپ ەسەپتەلەدى. قابىلداۋ بارىسىندا وتانداستارىمىزدىڭ جۇگىنگەن ماسەلەسىنە دەگەن ەموتسياسىن تىكەلەي سەزىنىپ, جازباشا وتىنىشتەردە نازاردان تىس قالىپ, كورىنبەي قالاتىن تۇستاردى اڭعارۋعا بولادى. بۇل اسىرەسە جاعداي شۇعىل شەشىم قابىلداۋدى تالاپ ەتكەندە اسا ماڭىزدى.
بۇگىندە تاجىريبە بارىسىندا بايقاعانىمىز, قابىلداۋلار كەزىندە رەسمي ەسەپتەردە ايتىلمايتىن, ءجيى نازاردان تىس قالاتىن ماسەلەلەر كوتەرىلەدى. مىسالى, زاڭناماداعى ولقىلىقتار, نورمالاردىڭ جەرگىلىكتى جەرلەردە ءتيىمدى قولدانىلماۋى, زاڭ مەن شىنايى ءومىر اراسىنداعى الشاقتىق.
ميرا ءشاۋالي,
باس پروكۋراتۋرا
قۇقىقتىق ستاتيستيكا جانە ارنايى ەسەپكە
الۋ جونىندەگى كوميتەتىنىڭ كولىكتەگى دەپارتامەنتى
وتىنىشتەردى تالداۋ جانە باقىلاۋ ءبولىمىنىڭ پروكۋرورى
