قىزىلوردانىڭ دزيۋدوشىلارى ەۋروپا كۋبوگىنان ولجالى ورالدى

قىزىلوردا. 4 تامىز. چەحيا استاناسى – پراگا قالاسىندا دزيۋدودان جاستار اراسىندا ەۋروپا كۋبوگى ءوتتى. اتالمىش جارىستا قازاقستان سپورتشىلارى 6 مەدال يەلەنسە, سونىڭ 4-ءى قىزىلوردالىق بالۋانداردىڭ ۇلەسىندە. بۇل تۋرالى egemen.kz ءتىلشىسى حابارلادى. اتاپ ايتساق, وبلىستىق جوعارى سپورت شەبەرلىگى مەكتەبىنىڭ سپورتشىلارى, 55 كەلى سالماقتاعى ماعجان شامشادين مەن 60 كەلىدە جاقسىبەك جەڭىسبەك التىن مەدالعا قول جەتكىزدى. ال 55 كەلىدە ديدار ءتاتتىباي كۇمىس جۇلدە الدى. سونداي-اق وبلىستىق وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر مەكتەبىنىڭ سپورتشىسى باۋىرجان جاۋىنتاەۆ 60 كەلىدە قولا جۇلدەگەر اتاندى. بۇلاردىڭ بارلىعى دا قازاقستان جاستار ۇلتتىق قۇراماسىنىڭ مۇشەلەرى. ءدۇبىرلى دودادا قازاقستان قۇراماسى ءۇشىنشى ورىندى ەنشىلەدى. ءبىرىنشى ورىندا – برازيليا, ەكىنشى ورىندا – ۋكراينا. بيىل قازان ايىندا بىرىككەن اراب امىرلىگىنىڭ ابۋ-دابي قالاسىندا بولاتىن الەم چەمپيوناتىنا سىر وڭىرىنەن وسى 4 سپورتشىمەن قاتار, ەلامان ەرعاليەۆ تە قاتىسادى. ەرجان بايتىلەس. دەرەك: egemen.kz. سۋرەت: ordainfo.kz.