سۋرەت: gov.kz
ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى مىناداي قىزىقتى دەرەكتەردى العا تارتادى. ماسەلەن, الماتى قالاسىندا تۇتىنۋشى 215 ملن تەڭگەگە ساتىپ العان, بىراق ءۇشىنشى تۇلعاعا ساتىلىپ كەتكەن جىلجىمايتىن م ۇلىك نىسانىنا قاتىستى داۋ دەپارتامەنتتىڭ ارالاسۋىمەن وڭ شەشىمىن تاپقان. ال قاراعاندى وبلىسىندا 45 كۇننەن اسا ۋاقىت بەرىلمەگەن پاتەر بويىنشا شارت تالاپتارىنىڭ ورىندالۋى قامتاماسىز ەتىلىپ, تۇتىنۋشى 33,5 ملن تەڭگە تۇراتىن جىلجىمايتىن م ۇلىككە قول جەتكىزگەن.
باسقا دا قىزىقتى ءارى شەشىمىن تاپقان مىسالدار:
- سەمەي قالاسىندا قوعامدىق تاماقتانۋ ورنىندا تۇتىنۋشىنىڭ تاپسىرىسى ورىندالماي, مەكەمە تۇتىنۋشىلار بۇرىشىن ورنالاستىرۋ مىندەتىن ورىنداماعانى ءۇشىن اكىمشىلىك جاۋاپكەرشىلىككە تارتىلدى.
- اقتوبە وبلىسىندا تۇتىنۋشىنىڭ تۋروپەراتورلارعا قاتىستى شاعىمى بويىنشا سوتقا دەيىنگى جانە سوت پروتسەسىندە دەپارتامەنت ماماندارى قولداۋ كورسەتىپ, ناتيجەسىندە 6,6 ملن تەڭگە وتەماقى ءوندىرىلىپ بەرىلدى.
- پاۆلودار مەن جەتىسۋ وبلىستارىندا ونداعان تۇتىنۋشىنىڭ قۇقىعى توپتىق نەگىزدە قورعالدى: كوسمەتيكا جيىنتىعى ءۇشىن راسىمدەلگەن 10,8 ملن تەڭگە نەسيە مەن جەتكىزىلمەگەن سمارتفوندار ءۇشىن 7,2 ملن تەڭگە قايتارىلدى.
- تۇركىستان وبلىسىندا دۋباي قالاسىنا ورىندالماعان تۋر ءۇشىن 1,2 ملن تەڭگە قايتارىلىپ, شىمكەنتتە سانيتارلىق تالاپتارعا سايكەس كەلمەيتىن جەردە كورسەتىلگەن فيتنەس قىزمەتتەرى ءۇشىن تۇتىنۋشىلارعا وتەماقى بەرىلدى.
ازاماتتار ءتىپتى 700 تەڭگە تۇراتىن ساپاسىز ويىنشىققا قاتىستى دا وتەماقى تالاپ ەتىپ, ءوز قۇقىقتارىن قورعاعان.
