2015 جىلى قۇرىلىپ, 2018 جىلى ىسكە قوسىلعان ساتتەن باستاپ احقو تۇراقتى ءوسىم كورسەتىپ كەلەدى. 1000 تىركەلگەن كومپانيا مەجەسىنە ءۇش جىلدان اسا قىزمەتتەن كەيىن - 2021 جىلدىڭ قىركۇيەگىندە قول جەتكىزىلسە, كەلەسى ەكى جىلدا, ياعني, 2023 جىلدىڭ شىلدەسىندە 2000 كومپانيا, ال ءبىر جىلدان كەيىن, 2024 جىلدىڭ تامىزىندا احقو يۋريسديكتسياسىندا 3000 كومپانيا تىركەلدى. ال ەندى ءبىر جىلدان از ۋاقىت وتكەن سوڭ – 2025 جىلدىڭ ماۋسىمىندا 4000 قاتىسۋشى بەلەسى ەڭسەرىلدى.
جاڭادان تىركەلگەن كومپانيالاردىڭ كوبى قارجى قىزمەتتەرى, پايدالى قازبالاردى بارلاۋ جانە ءوندىرۋ, ونەركاسىپتىك ءوندىرىس جانە ساۋدا-ساتتىق سالالارىندا جۇمىس ىستەيدى, بۇل احقو-نىڭ ەكونوميكانىڭ ءارتۇرلى سالالارىنداعى بيزنەس ءۇشىن تارتىمدىلىعىن راستايدى.
جاڭا قاتىسۋشىلار قاتارىندا – ۇلىبريتانيانىڭ جەتەكشى زەرتتەۋ جوعارى وقۋ ورىندارىنىڭ بەدەلدى Russell Group قۇرامىنا كىرەتىن الەمگە ايگىلى كارديفف ۋنيۆەرسيتەتىنىڭ ەنشىلەس قۇرىلىمى Cardiff University Kazakhstan Holdings Limited بار. 1884 جىلى قۇرىلعان كارديفف ۋنيۆەرسيتەتى ۇلىبريتانيادا تۇلەكتەردىڭ جۇمىسقا ورنالاسۋ دەڭگەيى بويىنشا 12-ءشى ورىندا. قازاقستاندا وكىلدىكتىڭ اشىلۋى مەملەكەت باسشىسىنىڭ شەتەلدىك ۋنيۆەرسيتەتتەردى تارتۋ جونىندەگى ستراتەگيالىق باستاماسىنا سايكەس كەلەدى. بۇل جوبا 2024 جىلدىڭ 14 تامىزىندا استانادا الەمدىك دەڭگەيدەگى عىلىمي-زەرتتەۋ ۋنيۆەرسيتەتىن قۇرۋ بويىنشا كارديفف ۋنيۆەرسيتەتىمەن ءوزارا تۇسىنىستىك تۋرالى مەموراندۋمعا قول قويعان قر عىلىم جانە جوعارى ءبىلىم مينيسترلىگىنىڭ قولداۋىمەن جۇزەگە اسىرىلۋدا.
احقو باسقارۋشىسى رەنات بەكتۇروۆ: ء«بىز كوپتەگەن كومپانيالاردىڭ «استانا» حالىقارالىق قارجى ورتالىعىن جۇمىس ىستەۋ جانە قازاقستاندا بيزنەس جۇرگىزۋ الاڭى رەتىندە تاڭداپ جاتقانىنا قۋانىشتىمىز. 4000 قاتىسۋشى كومپانيا مەجەسىن ەڭسەرۋ گەوگرافيانىڭ ودان دا ۇلعايۋىن بىلدىرەدى, بۇل اسا قۋانتارلىق جايت – احقو قارجى حابى رەتىندە ءوز ميسسياسىن دايەكتى تۇردە ورىنداپ كەلەدى. كومپانيالار سانىنىڭ كوبەيۋى — بۇل جەرگىلىكتى ماماندار ءۇشىن جاڭا جۇمىس ورىندارىنىڭ اشىلۋى, سالىق تۇسىمدەرىنىڭ ارتۋى جانە قوسىمشا كاسىبي تاجىريبە اعىنى».
احقو-دا جاقىندا تىركەلگەن باسقا دا كومپانيالاردىڭ قاتارىندا:
- Caspian Port Development Company Limited – Noatum Ports (AD Ports Group قۇرامىنا كىرەدى) جانە Semurg Holding B.V. (BVI) بىرلەسكەن كاسىپورنى. كومپانيا قۇرىق پورتىنداعى تەرمينالدىق ينفراقۇرىلىمدى دامىتۋمەن اينالىسادى. جوبا قازاقستان رەسپۋبليكاسىنىڭ 2030 جىلعا دەيىن كولىك-لوگيستيكا الەۋەتىن دامىتۋ كونتسەپتسياسى نەگىزىندە جۇزەگە اسىرىلىپ وتىر.
- Vishwa Samudra Hospitality Services (Kazakhstan) Ltd. – سينگاپۋر, ءباا, اقش جانە گەرمانياداعى ينفراقۇرىلىم, لوگيستيكا, تەڭىز تاسىمالى, جىلجىمايتىن م ۇلىك جانە ت.ب. سالالاردا جۇمىس ىستەيتىن Vishwa Samudra ءۇندى توبىنىڭ ەنشىلەس قۇرىلىمى. قازاقستاندا كومپانيا قۇرىلىس جوبالارىن جۇزەگە اسىرۋعا باسا نازار اۋدارادى.
- Coteccons Construction KZ Ltd. – وڭتۇستىك-شىعىس ازياداعى ەڭ ءىرى جەكە قۇرىلىس سالۋشىلاردىڭ ءبىرى, ۆەتنامدىق الپاۋىت Coteccons Construction JSC-ءتىڭ 100% ەنشىلەس كومپانياسى. 800-دەن استام جوبانى ءساتتى اياقتاعان جانە 2500 كاسىبي ماماننان تۇراتىن كومانداسى بار كومپانيا ينجينيرينگتىڭ جوعارى ستاندارتتارىن ەنگىزە وتىرىپ, قازاقستاننىڭ ينفراقۇرىلىمىن دامىتۋعا ۇلەس قوسۋدى جوسپارلاپ وتىر.
- قازاقستاننىڭ مادەني جانە كرەاتيۆتى يندۋستريالار قورى – مادەني جانە كرەاتيۆتى جوبالاردى قولداۋ, دامىتۋ جانە ينۆەستيتسيا سالۋ ءۇشىن قۇرىلعان قايىرىمدىلىق ۇيىم. قور قازاقستاندىق مادەني مۇرانى جانە زاماناۋي كرەاتيۆتى يندۋستريانى ىلگەرىلەتۋدى ماقسات ەتىپ وتىر.
- Dodo Brands – Dodo Pizza جانە Drinkit جەلىلەرىن باسقاراتىن ەۋروپاداعى ەڭ ءىرى فۋد-سەرۆيستەردىڭ ءبىرى (توپ-7-گە كىرەدى). جاقىندا كومپانيا ۆيرگين ارالدارىنان احقو-عا رەدوميتسيلياتسيا جاسادى. الەمنىڭ 26 ەلىندە 1300-دەن استام بولىمشەسى اشىلدى, ونىڭ ىشىندە 100-دەن استام پيتستسەريا مەن 14 كوفەحانا قازاقستاندا جۇمىس ىستەيدى. بۇل شەشىم تەز دامىپ كەلە جاتقان جانە تەحنولوگيالىق بيزنەس ءۇشىن احقو-نىڭ تارتىمدىلىعىن كورسەتەدى.
بۇگىندە احقو-دا الەمنىڭ 84 ەلىنەن كەلگەن كومپانيالار تىركەلگەن. كومپانيالار سانى بويىنشا العاشقى وندىققا قىتاي, رەسەي, ۇلىبريتانيا, اقش, تۇركيا, سينگاپۋر, ءباا, ءۇندىستان, كيپر جانە نيدەرلاندى كىرەدى. احقو قاتىسۋشىلارى رەتتەلەتىن قارجى ينستيتۋتتارى, فينتەح-ستارتاپتار, نارىقتىق ينفراقۇرىلىم پروۆايدەرلەرى, قوسالقى قىزمەتتەر جانە باسقا دا باعىتتار رەتىندە ءارتۇرلى ۇيىمدىق-قۇقىقتىق نىساندارىندا جۇمىس ىستەيدى.
