زەرەندى اۋدانىنا قاراستى قاناي بي وكرۋگىنىڭ ەكى اۋىلىندا تۇرعىندار ءوز ەرىكتەرىمەن الكوگول ونىمدەرىن ساتۋدان باس تارتقان.
اۋىلدىق وكرۋگتىڭ اكىمى مەدەت اقماعامبەتوۆتىڭ ايتۋىنشا, بۇل ەلدى مەكەندەردە سوڭعى ءۇش جىلدا بىردە-ءبىر قىلمىس, وتباسىلىق جانجال نەمەسە ۇساق بۇزاقىلىق تىركەلمەگەن.
قازاقستان رەسپۋبليكاسى ىشكى ىستەر مينيسترلىگىنىڭ حابارلاۋىنشا, وكرۋگكە «زيالى قاۋىم» باعدارلاماسىن ەنگىزۋ باستاماسىن پوليتسيا قىزمەتكەرلەرى كوتەرگەن. ونى جەرگىلىكتى بيلىك, تۇرعىندار مەن قوعامدىق ۇيىمدار بەلسەندى تۇردە قولداعان.
زەرەندى اۋداندىق جەرگىلىكتى پوليتسيا قىزمەتىنىڭ باسشىسى ەرنار سادىرباەۆتىڭ ايتۋىنشا, قازىرگى تاڭدا بۇل دەمالىس ايماعىندا 11 اۋىل الكوگول ساتۋدان تولىقتاي باس تارتقان. باسقا ەلدى مەكەندەردىڭ تۇرعىندارى دا وسى باستاماعا قوسىلۋعا نيەتتى ەكەنىن ءبىلدىرىپ وتىر. سوندىقتان پوليتسيا قىزمەتكەرىنىڭ پىكىرىنشە, بولاشاقتا مۇنداي اۋىلداردىڭ سانى ەداۋىر ارتۋى مۇمكىن.
