رەسمي اقپاراتقا قاراعاندا, قازىر موپەدشىلەردىڭ 95%-ى كولىگىن تىركەۋدەن وتكىزىپ, جۇرگىزۋشى كۋالىگىن الىپ ۇلگەرگەن. سوندىقتان موپەدىن ءنومىرسىز جۇرگىزەتىندەر بۇرىنعىداي ەمەس, سايابىرسىپتى.
«2025 جىلدىڭ 5 ساۋىرىنەن باستاپ كۇشىنە ەنگەن جاڭا زاڭعا بايلانىستى موپەدتەردىڭ بارلىعى تىركەۋدەن ءوتىپ, مەملەكەتتىك ءنومىر, تەحپاسپورت, ساقتاندىرۋ ءپوليسىن الۋى ءتيىس بولاتىن. ەندى ارناۋلى كۋالىگىڭىز بولسا عانا موپەدتى جۇرگىزە الاسىز, ونسىز بولمايدى», دەيدى سالتانات ازىربەك.
بۇل جاڭا ەرەجە جولداعى قاۋىپسىزدىكتى كۇشەيتىپ, موپەدتى پايدالانۋ جاعىن رەتتەستىرۋدى كوزدەيدى.
پوليتسەيلەردىڭ ايتۋىنشا, موپەد تىزگىندەگەندەر تاراپىنان
جول بەلگىلەرى تالابىن ەلەمەۋ, تۇتاس جولاقتى كەسىپ ءوتۋ, جولاقتى اۋىستىرعاندا تۇتاس سىزىقتى كەسىپ ءوتۋ, شتاتقا كىرمەيتىن – كوزدى قارىقتىراتىن شام, تالاپقا ساي كەلمەيتىن دىبىس باسەڭدەتكىش سياقتى قۇرال-سايماندار سالىپ الۋ ەڭ كوپ كەزدەسەتىن زاڭ بۇزۋشىلىقتار قاتارىندا.
بيىلعى 5 ساۋىردەن بەرى زاڭ بۇزعان وسىنداي 5000 موپەدتىڭ يەسى اكىمشىلىك جاۋاپقا تارتىلىپ, 2000 كولىك ايىپ تۇراعىنا قويىلعان.
جالپى العاندا, اكىمشىلىك پوليتسيانىڭ اقپاراتى بويىنشا وسى ۋاقىتقا دەيىن الماتىدا 15 مىڭنان استام موپەد تىركەلىپتى.
موپەد جۇرگىزەتىندەردىڭ كوبى – كۋرەر بولىپ ىستەيتىن شەتەلدىك ازاماتتار كورىنەدى.
«زاڭ جانە ءتارتىپ» قاعيداتىن باسشىلىققا الىپ, الماتى پوليتسياسى جول قاۋىپسىزدىگىن ارتتىرۋ جۇمىسىن جىل بويى جالعاستىرا بەرمەك.
