قازاقتىڭ جەكپە-جەك سپورت ونەرىن ناسيحاتتاۋ, الەمدىك دەڭگەيدە مارتەبەسىن كوتەرۋ, جاستار اراسىندا ناشاقورلىققا قارسى داعدىنى قالىپتاستىرا وتىرىپ قىلمىس پەن قۇقىق بۇزۋشىلىقتاردىڭ الدىن الۋ ماقساتىندا وتكەن جارىستىڭ اشىلۋ سالتاناتىندا جەتىساي اۋدانىنىڭ اكىمى سەرىك مامىتوۆ, كەڭەس وداعىنا ەڭبەگى سىڭگەن سپورت شەبەرى, دۇنيەجۇزىلىك جەكپە-جەك قاۋىمداستىعىنىڭ پرەزيدەنتى سابىرجان ماحمەتوۆ پەن قازاقستان رەسپۋبليكاسى جەكپە-جەك ۇلتتىق سپورت فەدەراتسياسىنىڭ پرەزيدەنتى ەرجان بايجۇماەۆ قاتىسىپ, سپورتشىلارعا ساتتىلىك تىلەدى.
اسكەري-جاۋىنگەرلىك ونەرىمەن قوسا سپورتتىڭ بارلىق تۇرلەرىن ءبىر ورتاعا توعىستىرعان چەمپيوناتتا كوماندالىق ەسەپتە جۇلدەلى ءىىى ورىندى شىمكەنت قالاسىنىڭ سپورتشىلارى يەلەنسە, ءىى ورىنعا اباي وبلىسىنىڭ قۇراماسى كوتەرىلدى. ال, تۇركىستان وبلىسىنىڭ قۇراماسى جەڭىمپاز اتاندى. بارلىق جەڭىمپازدار ارنايى بەلبەۋلەرمەن, ديپلومدارمەن جانە مەدالدارمەن, دەمەۋشىلەر ەسەبىنەن ارنايى باعالى سىيلىقتارمەن ماراپاتتالدى.
