تولەم قالاي جۇزەگە اسىرىلادى؟
قولدانىستاعى زاڭناماعا سايكەس, جۇمىسىنان ايىرىلعان ازاماتتارعا مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن تولەم تولەنەدى. تولەم مولشەرى – جوعالعان تابىستىڭ 45%-ىنا دەيىن, ول ماسق قاراجاتى ەسەبىنەن جۇرگىزىلەدى.
الەۋمەتتىك تولەمدى قالاي الۋعا بولادى؟
جۇمىسسىز قالعان ازامات تولەم الۋ ءۇشىن بىرنەشە قاراپايىم قادامدى ورىنداۋى كەرەك:
-
eGov.kz پورتالىندا اۆتوريزاتسيادان ءوتۋ;
-
«جۇمىسقا ورنالاستىرۋ جانە جۇمىسپەن قامتۋ» بولىمىنەن «جۇمىس ىزدەۋشى ادامداردى تىركەۋ» قىزمەتىن تاڭداۋ;
-
ونلاين-قىزمەتكە تاپسىرىس بەرىپ, جولداردى تولتىرىپ, ەتسق-مەن قول قويىپ ءوتىنىمدى جىبەرۋ;
-
ءبىر كۇن ىشىندە تۇرعىلىقتى جەردەگى مانساپ ورتالىعى (مو) بوس جۇمىس ورىندارىن ۇسىنادى;
-
ەگەر جۇمىس تابىلماسا, 3 جۇمىس كۇنى ىشىندە ازامات جۇمىسسىز رەتىندە تىركەلەدى.
قىزمەتتى enbek.kz پورتالى ارقىلى دا ونلاين رەجيمىندە راسىمدەۋگە بولادى.
جۇمىسسىز رەتىندە تىركەلگەنى تۋرالى مالىمەت بولعان جاعدايدا, ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسى ازاماتقا SMS-حابارلاما جىبەرەدى. ول ارقىلى ماسق-تان تولەم تاعايىنداۋعا كەلىسىم بەرۋ سۇرالادى. ازامات كەلىسىمىن SMS ارقىلى بىلدىرسە, تولەم اۆتوماتتى تۇردە راسىمدەلەدى.
ايتا كەتيىك, ماسق تاراپىنان تولەنەتىن بۇل تولەم جۇمىسسىز قالعان ازاماتقا ۋاقىتشا قولداۋ كورسەتۋگە ارنالعان جانە جۇمىستان شىعۋ سەبەبىنە قاراماستان جۇزەگە اسىرىلادى.
