جول اپاتىنان زارداپ شەككەن بالاعا ۇزاق مەرزىمدى ەمدەۋ مەن وڭالتۋ, كەيىننەن پروتەزدەۋ قاجەتتىگى مەن باسقا دا قوسالقى شىعىندارىن جەدەل وتەۋ ماقساتىندا ساقتاندىرۋ كومپانياسى زاڭنامادا بەلگىلەنگەن قاجەتتى قۇجاتتار توپتاماسىن, سونىڭ ىشىندە مۇگەدەكتىك تۋرالى انىقتامانى العانعا دەيىن, ساقتاندىرۋ تولەمىن تولىق كولەمدە جۇزەگە اسىرۋ تۋرالى شەشىم قابىلدادى.
تاسىمالداۋشىنىڭ جولاۋشىلار الدىنداعى ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ تۋرالى زاڭعا سايكەس, جول-كولىك وقيعاسى ناتيجەسىندە بالاعا مۇگەدەكتىك بەرىلگەن جاعدايدا, ساقتاندىرۋ تولەمىنىڭ مولشەرى 5 000 اەك قۇرايدى, بۇل 19 660 000 تەڭگەگە تەڭ.
قازاقستاندا مۇگەدەكتىك تۋرالى انىقتاما الۋ ءۇشىن مەديتسينالىق-الەۋمەتتىك ساراپتامادان ء(ماس) ءوتۋ قاجەت, بۇل ايتارلىقتاي ۋاقىتتى قاجەت ەتەدى. بارلىق قاجەتتى راستايتىن قۇجاتتار تۇسۋىنە قاراي تولەم ىسىنە قوسا تىركەلمەك.
ساقتاندىرۋ جاعدايىنان كەيىن «ەۆرازيا» سك جەدەل جەلى ۇيىمداستىرىلىپ, وعان جكو سالدارىنان زارداپ شەككەن اۆتوبۋس جولاۋشىلارى نەمەسە ولاردىڭ وكىلدەرى حابارلاسقان. قر قولدانىستاعى زاڭناماسىنا سايكەس ساقتاندىرۋ تولەمدەرىن الۋ ءتارتىبى تۋرالى بارلىق قاجەتتى تۇسىنىكتەمەلە مەن كەڭەس بەرىلدى.
الماتى
