جوبا مەملەكەت باسشىسىنىڭ IV ۇلتتىق قۇرىلتايدا بەرگەن تاپسىرماسى اياسىندا قولعا الىندى جانە ەلىمىزدىڭ كولىك ينفراقۇرىلىمىن دامىتۋ مەن ترانزيتتىك الەۋەتىن ارتتىرۋ جونىندەگى ۇكىمەت جوسپارلارىنا ەنگىزىلگەن.
قۇرىلىس جۇمىستارى ءبىر ۋاقىتتا ەكى نۇكتەدە – قوستاناي وبلىسىنىڭ ارقالىق قالاسى مەن جانكەلدين اۋدانىنا قاراستى تورعاي اۋىلىندا باستالدى. قۇرىلىس «استانا – جانتەكە – ەگىندىكول – ارقالىق – تورعاي – ىرعىز» باعىتى بويىنشا جۇرگىزىلىپ جاتىر. جولدىڭ جالپى ۇزىندىعى 865 شاقىرىمدى قۇرايدى. اتالعان جاڭا جول ءدالىزى ەلىمىزدىڭ ورتالىق بولىگىن باتىس وڭىرلەرمەن تىكەلەي بايلانىستىرماق. سونىمەن قاتار ول قازاقستاندى ترانسكاسپي حالىقارالىق كولىك باعىتىنا (تحكب) شىعۋعا مۇمكىندىك بەرەدى. جاڭا باعىتتىڭ ارقاسىندا استانا مەن ىرعىز اراسىنداعى اراقاشىقتىق 573 شاقىرىمعا قىسقارادى.
قۇرىلىس جۇمىستارى ەكى باعىتتا قاتار جۇرگىزىلىپ جاتىر: ارقالىق قالاسىنان استاناعا قاراي جانە تورعاي اۋىلىنان ىرعىز باعىتىنا قاراي. جوبانىڭ جۇزەگە اسىرىلۋى جول بويىنداعى اۋماقتاردىڭ ەكونوميكالىق دامۋىنا سەرپىن بەرىپ, جەرگىلىكتى حالىقتىڭ ءومىر ءسۇرۋ ساپاسىن ارتتىرۋعا ىقپال ەتەرى ءسوزسىز.
جوبالاۋ جانە قۇرىلىس جۇمىستارىنىڭ بارىسىندا ەكولوگيالىق ماسەلەلەرگە ەرەكشە كوڭىل بولىنۋدە. كيىكتەردىڭ قونىس اۋدارۋ ايماقتارىندا جولدىڭ كولدەنەڭ ءپروفيلىن وزگەرتۋ قاراستىرىلعان, 1:10 ەڭىس جانۋارلاردىڭ ەركىن ءارى كەدەرگىسىز قوزعالۋىنا مۇمكىندىك بەرەدى.
«ورتالىق – باتىس» اۆتوجول ءدالىزىنىڭ قۇرىلىسىنىڭ باستالۋىنا نەگىزدەلگەن سالتاناتتى شارادا قر كولىك ۆيتسە-ءمينيسترى ءساتجان ابلاليەۆ بۇل جوبانىڭ ەلىمىزدىڭ كولىك ينفراقۇرىلىمىن جاڭعىرتۋداعى ترانزيتتىك مۇمكىندىكتەرىن كەڭەيتىپ, وڭىرلەر اراسىنداعى بايلانىستى ارتتىرۋداعى ءرولىن ەرەكشە اتاپ ءوتتى.
قوستاناي وبلىسىنىڭ اكىمى قۇمار اقساقالوۆ ساپالى لوگيستيكالىق جەلى وبلىستىڭ وڭتۇستىك وڭىرلەرىندە شاعىن جانە ورتا بيزنەستى دامىتۋ مەن حالىقتىڭ ءومىر ءسۇرۋ ساپاسىن ارتتىرۋدىڭ نەگىزگى فاكتورلارىنىڭ ءبىرى بولادى دەپ اتاپ ءوتتى.
