فوتو: قر قورعانىس مينيسترلىگى
جيىنعا IT-يندۋستريا وكىلدەرى, تەحنولوگيالىق كاسىپكەرلەر جانە ساندىق دەرەكتەر مەن كومپيۋتەرلىك جۇيەلەردى زياندى باعدارلامالاردان قورعاۋمەن اينالىساتىن كومپانيالار قاتىستى.
كەزدەسۋ بارىسىندا قارۋلى كۇشتەردىڭ كيبەرقاۋىپسىزدىك كەڭەسىن قۇرۋ جانە قورعانىس مينيسترلىگىنىڭ كيبەرقاۋىمداستىقپەن ءوزارا ارەكەتتەستىك جول كارتاسىن ازىرلەۋ ماسەلەلەرى تالقىلاندى.
«جۋىردا قورعانىس مينيسترلىگىنىڭ باسشىلىق قۇرامىمەن وتكەن كەڭەستە پرەزيدەنت قارۋلى كۇشتەردى تسيفرلاندىرۋ جانە جاساندى ينتەللەكتىنى قولدانۋ قاجەتتىگىن اتاپ ءوتتى. وسىعان بايلانىستى كيبەرقاۋىپسىزدىك ماسەلەلەرى ەرەكشە وزەكتىلىككە يە بولىپ وتىر. بۇگىنگى شارانىڭ باستى ماقساتى – اقپاراتتىق قاۋىپسىزدىك سالاسىنداعى ىنتىماقتاستىقتى جولعا قويۋ بويىنشا سىزدەردىڭ ۇسىنىستارىڭىزدى تىڭداۋ», دەدى قورعانىس ءمينيسترىنىڭ ورىنباسارى د. احمەديەۆ.
قازىرگى تاڭدا قورعانىس مينيسترلىگىندە بۇل ماسەلەلەرگە ەرەكشە كوڭىل بولىنگەن. جوو-لارمەن جانە تەحنولوگيالىق كومپانيالارمەن تىعىز بايلانىس ورناتىلعان, حاكاتوندار مەن كيبەرجاتتىعۋلار وتكىزىلىپ, داعدارىس جاعدايلارىنداعى شابۋىلداردى تويتارۋ ستسەناريلەرى پىسىقتالىپ جاتىر.
جيىندا قاتىسۋشىلار ءوز جوبالارىن تانىستىردى. مىسالى, iBatyr كومپانياسىنىڭ مامانى ۆيتالي لي دەرەكتەردىڭ سىرتقا شىعۋىنا قارسى ءىس-قيمىل جوباسىن تانىستىردى. ال MSSP Global وكىلى مەدەت تۋرين تسيفرلىق كەڭىستىكتەگى كيبەرگيگيەنا ماسەلەلەرىن قوزعادى.
كەزدەسۋدە ايتىلعان ۇسىنىستار مەن پىكىرلەر مۇقيات زەرتتەلىپ, قورعانىس مينيسترلىگى مەن كيبەرقاۋىمداستىق اراسىنداعى ءوزارا ءىس-قيمىلدىڭ جول كارتاسىن ازىرلەۋ كەزىندە ەسكەرىلەتىن بولدى.
ارايلىم مىرزاحان,
ەۇۋ 2 كۋرس ستۋدەنتى
