فوتو: voxpopuli.kz
ەلشىلىك بارلىق قازاقستاندىقتارعا قاۋىپسىزدىك شارالارىن كۇشەيتىپ, يزرايل بيلىگىنىڭ تىلدىق قىزمەتتەرى مەن قورعانىس كۇشتەرىنىڭ رەسمي نۇسقاۋلارىن قاتاڭ ساقتاۋعا كەڭەس بەردى.
ەلشىلىك كەلەسىلەردى ۇسىندى:
- ساقتىق پەن قىراعىلىق تانىتۋ;
- سوڭعى جاڭالىقتاردى مۇقيات باقىلاۋ;
- قازاقستان ەلشىلىگىمەن تۇراقتى بايلانىستا بولۋ.
بايلانىس نومىرلەرى:
- +972 (3) 503 78 85 (كەزەكشى ءنومىر)
- +972 53 635 19 83 ء(موبيلدى, WhatsApp)
- +972 55 273 38 13 ء(موبيلدى, WhatsApp)
- +7 700 111 31 96 (WhatsApp, قازاقستان ءنومىرى)
كەشە تۇندە يزرايل يران اۋماعىنا سوققى جاساپ, يادرولىق باعدارلاماعا قاتىسى بار نىسانداردى نىساناعا العانىن مالىمدەدى. تەگەرانداعى بىرقاتار اۋدانداردا جارىلىس دىبىستارى ەستىلگەنى تۋرالى حالىقارالىق باق حابارلادى.
يزرايل بيلىگى ەلدە توتەنشە جاعداي جاريالاپ, قاۋىپسىزدىك دەڭگەيىن جوعارىلاتتى. قورعانىس ءمينيسترى يران تاراپىنان زىمىراندار مەن ۇشقىشسىز ۇشاقتار ارقىلى قارىمتا شابۋىل بولۋى مۇمكىن ەكەنىن ەسكەرتتى.
