حالىقتىڭ قاۋىپسىزدىگى ءۇشىن قازىرگى تاڭدا كوپتەگەن جاڭا ۆاگون جولعا شىقتى. جاقىندا Comfort+ كلاسىنداعى جاڭا ۆاگوندار استانا-قاراعاندى باعىتى بويىنشا جۇرە باستادى.
بۇل ەلەكتر پويىزى 6 ۆاگوننان, 576 ورىننان تۇرادى. سونىمەن قاتار, جاڭا ۆاگونداردىڭ جايلىلىق دەڭگەيى جوعارى, ەۋروپالىق ستاندارتتارعا سايكەس كەلەدى. جاسى ۇلكەن جولاۋشىلارعا ارنالعان جانە بالالارى بار جولاۋشىلارعا ىڭعايلى بولۋى ءۇشىن اياق تىرەكتەرى ەنگىزىلدى. ءموبيلدى قۇرىلعىلاردى زاريادتاۋعا ارنالعان USB قوسقىشتارىمەن جابدىقتالعان. ۆاگونداردا سۋسىندار مەن جەڭىل تاعامدار ساتىپ الۋعا ارنالعان ساۋدا قوندىرعىسى قويىلعان.
ەلەكتر پويىزى كۇن سايىن ءوز ۋاقىتىمەن جۇرەدى. مارشرۋت بويىنشا جول ءجۇرۋ قۇنى 3202 تەڭگەنى قۇرايدى.
«قولجەتىمدىلىك پەن ينكليۋزيۆتىلىك ماسەلەلەرگە ەرەكشە نازار اۋدارىلادى. ءاربىر ۆاگوندا بيوتۋالەتتەر قاراستىرىلعان. سونداي-اق, كومپوزيتسيا ەكى جاعىنان پلاتفورمالىق كوتەرگىشتەرمەن جابدىقتالعان», دەيدى كومپانيانىڭ ءباسپاسوز قىزمەتى.
الداعى ۋاقىتتا كومپانيا جىلجىمالى قۇرامدى جاڭارتۋ باعدارلاماسى اياسىندا ءبىرىنشى, ەكىنشى, جانە ءۇشىنشى كلاستى تاعى التى جاڭا ەلەكتر پويىزىن الىپ, ىسكە قوسۋدى جوسپارلاپ وتىر.
قاراعاندى وبلىسى
