فوتو: اشىق دەرەككوز
ساراپشىلاردىڭ ايتۋىنشا, قوسىمشا فاكتور رەتىندە اقش-تاعى ينفلياتسيالىق كورسەتكىشتەر دە اسەر ەتكەن. اقش اكتسيالار نارىعى مينۋسقا كەتتى. ينۆەستورلار تاياۋداعى نارىقتىق ءوسىمنىڭ تۇراقتىلىعىنا كۇماندانا باستادى. S&P 500 يندەكسى التى كۇندىك ءوسۋدى توقتاتتى, Nasdaq ءۇش سەسسيادا العاشقى تومەندەۋدى كورسەتتى, ال Dow ءۇش كۇندىك ءوسۋدى اياقتادى. نارىق فەدەرالدىق بيۋدجەت پەن قازىنانىڭ تاپشىلىعى توڭىرەگىندەگى احۋالدىڭ دامۋىن قاداعالاۋدى جالعاستىرۋدا.
مامىر ايىندا تۇتىنۋ باعالارىنىڭ يندەكسى جىلدىق ەسەپپەن 2,4%-عا ءوستى. سونىمەن قاتار, اقش ەنەرگەتيكا مينيسترلىگى 11 ماۋسىمدا كوممەرتسيالىق مۇناي قورىنىڭ ءبىر اپتا ىشىندە 3,64 ميلليون باررەلگە ازايعانىن حابارلادى.
قازاقستان ءۇشىن, مۇناي ەكسپورتتاۋشى ەل رەتىندە, مۇناي باعاسىنىڭ ءوسۋى – جاي عانا جاقسى جاڭالىق ەمەس, ستراتەگيالىق ارتىقشىلىق ەكەنى بەلگىلى. 2025 جىلعا ارنالعان بيۋدجەتتە مۇنايدىڭ ەسەپتىك باعاسى ءبىر باررەل ءۇشىن 75 دوللار دەڭگەيىندە بەلگىلەنگەن.
ەكونوميست-قارجىگەر الماس چۋكيننىڭ ايتۋىندا مۇناي باعاسىنىڭ 1 دوللارعا تومەندەۋى ەلدىڭ قارجىلىق جاعدايىنا ايتارلىقتاي اسەر ەتەدى جانە بۇل تەرىس وزگەرىستەردىڭ سالدارى قازىرگىدەن الدەقايدا اۋىر بولۋى مۇمكىن. كەرىسىنشە, 1 دوللارعا كوتەرىلۋى بيۋدجەتكە ميلليوندارمەن ەسەپتەلەتىن قوسىمشا كىرىس.
دەگەنمەن, بيرجادا 9 ماۋسىمنان باستاپ WTI باعا بەلگىلەۋلەرى باررەلىنە 65 دوللاردان جوعارى كوتەرىلدى, بىراق سالاعا ىقپال ەتۋ ءۇشىن ولار وندا ءبىراز ۋاقىت كەشىگۋى ءتيىس. ساراپشىلار مەن نارىق قاتىسۋشىلارى مۇناي باعاسىنىڭ ايتارلىقتاي ءوسۋىن ازىرگە كۇتۋدىڭ قاجەتى جوق دەگەن پىكىردە.
