«ەۆرازيا ينۆەست LTD» جشس قۇرىلتايشىسى يۆان گەورگيادي جوبانىڭ كەزەڭ-كەزەڭىمەن ىسكە اسىرىلاتىنىن, ءبىرىنشى كەزەك بيىل ىسكە قوسىلاتىنىن ايتادى.
– گولشتين-فريز تۇقىمدى سيىرلاردىڭ ءبىرىنشى پارتياسى ساتىپ الىندى. جەم-ءشوپ بازاسى مەنشىكتى بولادى. بيىلعى ماۋسىمدا مىڭ گەكتارعا جۋىق جۇگەرى مەن جوڭىشقا ەگىلدى. اۋىل شارۋاشىلىعىندا ءبىز ءۇشىنشى جىل جۇمىس ىستەپ كەلەمىز. ءبىرىنشى جىلى تانىسۋ بولدى. تەحنيكا ساتىپ الدىق, بىزدە جابدىقتارىمىز ەڭ زاماناۋي. ەكىنشى جىلى سۋارۋمەن اينالىسا باستادىق. جەڭىلدىكتى نەسيەلەندىرۋگە وتىنىممەن شىقتىق. ءبىزدى قولدادى. ەل مەن وبلىس باسشىلىعىنا قولداۋ كورسەتكەنى ءۇشىن العىس ايتقىم كەلەدى, – دەيدى يۆان گەورگيادي.
كاسىپورىن سۋارمالى جەرلەرىنىڭ اۋماعىن 10 مىڭ گەكتارعا دەيىن ۇلعايتادى. جوبا بويىنشا 120 جاڭبىرلاتىپ سۋاراتىن ماشينا ورناتىلادى. بۇل ونىمدىلىكتى ارتتىرۋعا مۇمكىندىك بەرەدى. بۇدان باسقا, 12 مىڭ تونناعا ارنالعان كوكونىس قويماسى سالىنادى.
قاراعاندى وبلىسى
